« អ័ប្រាហាំ និងសារ៉ាយ » សារលិខិតទស្សនាវដ្តី ប្រិយមិត្ត ប្រចាំខែកុម្ភៈ ឆ្នាំ២០២២
« អ័ប្រាហាំ និង សារ៉ាយ »
សារលិខិត ប្រិយមិត្ត ប្រចាំខែកុម្ភៈ ឆ្នាំ២០២២
អ័ប្រាហាំ និងសារ៉ាយ
រចនារូបភាពដោយ អាព្រីល ស្តុត
អ័ប្រាហាំ គឺជាព្យាការី ។ ព្រះបានចុះសេចក្ដីសញ្ញាមួយជាមួយនឹងអ័ប្រាហាំ និងភរិយារបស់លោកឈ្មោះសារ៉ាយ ។
ព្រះទ្រង់បានសន្យានឹងប្រទានពរដល់ពួកគាត់ ។ ទ្រង់បានមានបន្ទូលប្រាប់ពួកគាត់ថា ពួកគាត់នឹងមានកូនចៅ ។ អ័ប្រាហាំ និងសារ៉ាយបានសន្យាថាគោរពតាមព្រះ ។
អ័ប្រាហាំ និង សារ៉ាយគោរពការសន្យារបស់ពួកគាត់ ។ ប៉ុន្តែពួកគាត់មិនមានកូនសោះជាយូរមកហើយ ។ ពួកគាត់កាន់តែចាស់ទៅៗ ។
នៅទីបំផុត ពេលអ័ប្រាហាំមានអាយុ ១០០ ឆ្នាំ ហើយសារ៉ាយមានអាយុ ៩០ ឆ្នាំ ពួកគាត់បានមានកូនប្រុសម្នាក់ ។ ពួកគាត់ដាក់ឈ្មោះទារកនោះថា អ៊ីសាក ។ ពួកគាត់ បានដឹងថា ព្រះបានប្រទានពរដល់ពួកគាត់ ។
ខ្ញុំអាចទុកចិត្តលើព្រះ ។ ពេលខ្លះ ពរជ័យមិនកើតឡើងភ្លាមៗនោះទេ ។ ប៉ុន្តែព្រះតែងតែរក្សាការសន្យារបស់ទ្រង់ជានិច្ច ។
ទំព័រផាត់ពណ៌
ខ្ញុំអាចទុកចិត្តលើព្រះ
សូមចុចលើរូបភាពនេះដើម្បីទាញយក ។
រចនារូបភាពដោយ អាព្រីល ស្តុត
តើព្រះវរបិតាសួគ៌ បានជួយអ្នកដោយរបៀបណា ពេលអ្នកភ័យខ្លាច ឬសោកសៅ ?
© 2022 by Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly Friend Message, February 2022 ។ Cambodian ។18313 258