Parau poro’i tā’āva’e nō te Hoa, Fepuare 2022

Aberahama ’e ’o Sara

Fa’ahōho’araʼa nā Apryl Stott

E peropheta ’o Aberahama. ’Ua rave te Atua i te hō’ē fafaura’a ia Aberahama ’e i tāna vahine ia Sara.

’Ua fafau te Atua e ha’amaita’i ia rāua. ’Ua parau ’oia ia rāua e tamari’ihia rāua. ’Ua fafau ’o Aberahama rāua ’o Sara ’ia ha’apa’o i te parau a te Atua.

’Ua tāpe’a Aberahama rāua ’o Sara i tā rāua fafaura’a. ’Aita rā rāua i tamari’ihia e mea maoro roa. Tē haere noa atu ra rāua i te pa’arira’a.

I te pae hope’a, i te 100ra’a te matahiti o Aberahama ’e te 90ra’a te matahiti o Sara, ’ua fānau rāua i te hō’ē tamāroa. ’Ua pi’i rāua iāna ’o Isaaka. ’Ua ite rāua ē, ’ua ha’amaita’i mai te Atua ia rāua.

E nehenehe tā’u e ti’aturi i te Atua. I te tahi mau taime, e’ita te mau ha’amaita’ira’a e tae ’oi’oi mai. Terā rā, e tāpe’a noa te Atua i tāna parau.

E nehenehe ’outou e tai’o i te ’ā’amu nō Aberahama rāua ’o Sara i roto i te Genese 15, 17 ’e te 21.

ʼApi fa’a’ūra’a

E nehenehe tā’u e ti’aturi i te Atua

Tāumi i ni’a i te hōho’a nō te fa’autara’a uira.

Fa’ahōho’ara’a nā Apryl Stott

’Ua nāhea te Metua i te ao ra i te tauturura’a ia ’oe i tō mau taime ri’ari’ara’a ’e te ’otora’a ?

© 2022 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, Fepuare 2022. Tahitian. 18313 895