“Moses nge fare Manna,” Mulwol ko biney e Pul ni fan ngak e pi Tafagar ko, April 2022
“Moses nge fare Manna”
Mulwol ko biney e Pul ni fan ngak e pi Tafagar ko, April 2022
Moses nge fare Manna
Sasing riy e yib rok Apryl Stott
Moses e reb e profet. Ayuweg pi gidiiʼen Got i fek rad ko farengi nam nin micheg nag. Ranod u butʼ ni boʼor e rran ngay.
Fapi gidiiʼ ni kar mʼad ko mikʼiy. Dariy e ggan rorad. Ere Got e piiʼ ggan rad ni yib u tharmiy. Ni kanog fithingan ni manna.
Gubin e kadbul, me ulunguy e gidiiʼ fare manna ni ngar ked. Machane dabiyag ni ngan ayuweg ni nge af nga borran riy. Ma kab tuʼuf ni ngar kunuyed boech ko bin migid e rran ngay.
Fare manna e be pugoren ngodad i Yesus Kristus. Got e piiʼ fare manna ni nge ayuweg fapi gidiiʼ. Ma ki piiʼ Yesus nga fayleng ni nge ayuweg dad. Btuʼuf Yesus Kristus rodad ni gubin e rran, ku wod e ggan nib tuʼuf rodad ni gubin e rran.
Gura leak Yesus. Ra piiʼ gelngig me ayuwegneg nggu thamiy e tuʼufeg rok ni gubin e rran.
Babyor ni ngan Achay
Btuʼuf Yesus Rodad ni Gubin e Rran
Mu click ko ya’an ningan download nag.
Sasing riy e yib rok Apryl Stott
Uw rogon ni ma ayuwgnem Yesus?
© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ko biney e Pul ni fan ngak e pi Tafagar ko, April 2022. Yapese. 18314 905