“Rut mo Naomi,” Ol Mesej blong Fren blong Evri Manis, Jun 2022
“Rut mo Nomi”
Evri Manis Fren Mesej, Jun 2022
Rut mo Naomi
Ol pikja droing oli kam long Apryl Stott
Naomi mo famli blong hem oli kam long wan niu graon from wan taem blong hanggri. Oli bin mitim wan yang woman we nem blong hem Rut. Rut i maredem boe blong Naomi.
Afta hasban blong Rut i ded. Rut i harem nogud tumas.
Naomi tu i harem nogud. Hem i nogat famli i stap blong lukaotem hem. Hem i wantem blong gobak long ples we hem i kam long hem.
Naomi i talem long Rut blong gobak long famli blong hem. Be Rut i lavem Naomi. Hem i promes blong kam wetem Naomi mo lukaot long hem.
Rut mo Naomi i pua. Mekem se Rut i wok had blong faenem kakae blong tufala.
Wan dei, wan man nem blong hem Boas i luk Rut i stap karem ol haf gren we i stap long wan long ol fil blong hem.
Boas i kaen. Hem i talem long ol wokman blong hem blong lego moa kaekae i stap blong Rut.
I no long taem afta, Rut mo Boas tufala i mared. Tufala i gat wan bebi boe. Naomi i help blong lukaot long hem.
Mi save help blong lukaot long ol narafala man. Mi save stap kaen long ol man we oli stap long nid.
Pej blong Kala
Mi Save Kea blong Ol Narawan
Klik long pikja blong daonlodem.
Pikja droing i kam long Apryl Stott
?Huia nao yu save helpem?
© 2022 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem translesen: 6/19. Translesen blong Monthly Friend Message, June 2022. Bislama. 18315 852