“Ruth ken Noemi,” Binulan a Mensahe iti Friend , Hunio 2022
“Ruth ken Noemi”
Binulan a Mensahe iti Friend , Hunio 2022
Ruth ken Noemi
Dagiti panangiladawan ni Apryl Stott
Dimteng ni Noemi ken ti pamiliana iti baro a pagilian gapu iti maysa a panagbisin. Naam-ammoda ti maysa nga agtutubo a babai nga agnagan iti Ruth. Inkallaysa ni Ruth ti anak a lalaki ni Noemi.
Kalpasanna natay ti asawa ni Ruth. Nalidayan unay ni Ruth.
Nalidayan met unay ni Noemi. Awanen ti nabati a pamiliana a mangaywan kenkuana. Inkeddengna ti agsubli iti pagilian a naggapuanna.
Imbaga ni Noemi ken ni Ruth nga agsubli iti pagilianna. Ipatpateg ni Ruth ni Noemi Inkarina a kumuyog ken ni Noemi ket aywananna.
Nakurapay da Ruth ken Noemi Isu a nagtrabaho a napasnek ni Ruth tapno makasapul iti taraon para kadakuada.
Maysa nga aldaw nakita ti maysa a lalaki nga agnagan iti Boaz ni Ruth a mangum-ummong iti nabati pay a pagay iti maysa kadagiti talonna.
Nasayaat ni Boaz. Imbagana kadagiti trabahadorna a mangibatida iti sobra a taraon para ken ni Ruth.
Idi agangay nagkallaysa da Ruth ken Boaz. Naaddaanda iti maysa nga anak a lalaki. Timmulong ni Noemi a nangaywan kenkuana.
Makatulongak a mangaywan iti dadduma. Makapagbalinak a naasi kadagiti agkasapulan.
Panid ti Panagkolor
Maaywanak dagiti Dadduma
Iklik iti ladawan nga i-download.
Panangiladawan ni Apryl Stott
Asino ti matulongam?
© 2022 ti Intellectual Reserve, Inc. Nailatang amin a karbengam. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, June 2022. Ilokano. 18315 864