Mesaj Mansyèl Zanmi, Jiyè 2022

Eli ak Ti Vwa Dous Piti a

Eli bò yon montay

Ilistrasyon Apryl Stott

Eli sete yon pwofèt. Li te vle tande vwa Bondye. Li te ale sou yon montay pou l te ka tande vwa Bondye pi byen.

Eli k ap gade yon gwo van

Te gen yon gwo van. Li te sitèlman fò ke l te kraze wòch yo. Van an te fò anpil. Men se pa t vwa Bondye.

Eli k ap gade tranblemantè ak dife

Apresa te gen yon tranblemantè. Tè a te tranble. Te gen yon dife tou. Li te gen gwo flanm dife. Men tranblemantè a ak dife a se pa t vwa Bondye.

Eli k ap koute ti vwa dous piti a

Apresa pa t gen okenn bri. Eli te tande vwa Bondye. Li te kalm epi tou piti. Men li te klè.

moun ki legliz

Mwen ka tande vwa Bondye lè m koute Sentespri a. Li pale avèk mwen nan ti fason senp.

Ou ka li istwa sa a nan 1 Wa 19:11–12.

Paj pou Kolorye

Mwen Ka Santi Prezans Sentespri a

timoun k ap chante kantik

Klike sou foto a pou telechaje l.

Ilistrasyon Apryl stott

Kisa ki ede w santi prezans Sentespri a?

© 2022 pa Intellectual Reserve, Inc. All rights reserved. Enprime nan Etazini Damerik. Apwobasyon anglè: 6/19. Apwobasyon tradiksyon: 6/19. Tradiksyon Monthly Friend Message, July 2022 Haitian Creole. 18298 036