“Elijah and the Still, Small Voice,” Monthly Friend Messages, July 2022
“Elijah and the Still, Small Voice”
ຂ່າວສານປະຈຳເດືອນ Friend, ເດືອນກໍລະກົດ 2022
ເອລີຢາ ແລະ ສຽງອັນແຜ່ວເບົາ
ຮູບພາບປະກອບ ໂດຍ ເອໂພ ສະຕ໋ອດ
ເອລີຢາເປັນສາດສະດາ. ເພິ່ນຢາກໄດ້ຍິນສຸລະສຽງຂອງພຣະເຈົ້າ. ເພິ່ນໄດ້ຂຶ້ນໄປຍັງພູເຂົາເພື່ອທີ່ຈະໄດ້ຍິນສຸລະສຽງຂອງພຣະເຈົ້າດີກວ່າເກົ່າ.
ມີລົມພັດແຮງຫລາຍ. ມັນແຮງຫລາຍຈົນເຮັດໃຫ້ກ້ອນຫີນແຕກ. ລົມນັ້ນສຽງດັງຫລາຍ. ແຕ່ມັນບໍ່ແມ່ນສຸລະສຽງຂອງພຣະເຈົ້າ.
ຕໍ່ມາກໍເກີດມີແຜ່ນດິນໄຫວ. ແຜ່ນດິນໄດ້ສັ່ນສະເທືອນ. ມີໄຟນຳເຊັ່ນກັນ. ມັນມີແປວໄຟທີ່ໃຫຍ່. ແຕ່ແຜ່ນດິນໄຫວ ແລະ ໄຟບໍ່ແມ່ນສຸລະສຽງຂອງພຣະເຈົ້າ.
ຈາກນັ້ນມັນກໍງຽບ. ເອລີຢາໄດ້ຍິນສຸລະສຽງຂອງພຣະເຈົ້າ. ມັນແຜ່ວເບົາ. ແຕ່ມັນແຈ່ມແຈ້ງ.
ເຮົາສາມາດໄດ້ຍິນສຸລະສຽງຂອງພຣະເຈົ້າ ໂດຍການຟັງພຣະວິນຍານບໍລິສຸດ. ພຣະອົງກ່າວກັບເຮົາໃນວິທີນ້ອຍໆ ແລະ ລຽບງ່າຍ.
ໜ້າລະບາຍສີ
ເຮົາສາມາດຮູ້ສຶກເຖິງພຣະວິນຍານບໍລິສຸດ
ໃຫ້ກົດຮູບເພື່ອດາວໂຫລດ.
ຮູບພາບປະກອບ ໂດຍ ເອໂພ ສະຕ໋ອດ
ແມ່ນຫຍັງຊ່ວຍໃຫ້ເຈົ້າຮູ້ສຶກເຖິງພຣະວິນຍານບໍລິສຸດ?
© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, July 2022. Laotian. 18298 331