Zaj Lus hauv Phooj Ywg Txhua Hli, Yim Hli Ntuj 2022

Phau Ntawv Nkauj Qhia txog Yexus Khetos

Daviv nrog ib lub ncas

Cov duab los ntawm Apryl Stott

Phau Ntawv Nkauj yog cov nkauj dawb huv. Cov tib neeg hauv phau Vaj Lug Kub Npaivnpaum sau cov nkauj qhuas Vajtswv. Cov nkauj uas lawv sau los muaj ntau zaj uas qhia txog Yexus Khetos. Nov yog tej yam uas ib co nkauj hauv phau Vaj Lug Kub Npaivnpaum qhia txog.

Yexus Khetos sawv ntawm ib lub pob zeb

Kuv hlub tus Tswv. Nws yog kuv lub pob zeb thiab kuv lub zog. Kuv yuav tso siab plhuav rau Nws. Kuv yuav qhuas Nws.

Yexus Khetos khawm ib tug yaj

Tus Tswv yog kuv tus tswv yug yaj Nws coj kuv mus rau lub tshav uas muaj zaub mos nyoos ntsuab xiab. Nws coj kuv mus rau cov pas dej ntshiab uas nyob ntsiag to . Kuv yuav tsis ntshai.

Yexus Khetos tuav ib lub teeb uas siv roj

Tus Tswv yog lub teeb rau kuv pom kev. Kuv yuav tsis ntshai. Kuv yuav ua siab loj. Nws yuav ua kuv lub siab muaj zog.

tib neeg nyob hauv lub tsev koom txoos

Kuv hlub Yexus Khetos, thiab Nws hlub kuv. Kuv yuav qhuas Nws thaum kuv kawm thiab hu nkauj txog Nws.

Koj nyeem tau cov nkauj no hauv Phau Ntawv Nkauj 18, 23, thiab 27.

Phab Ntawv Tha Xim

Tus Tswv Yog Kuv tus Tswv Yug Yaj

Yexus Khetos khawm ib tug yaj

Nias daim duab kom muab download.

Daim duab los ntawm Apryl Stott

Koj ua li cas kom txawj hnov Yexus txoj kev hlub?

© 2022 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, August 2022. Hmong. 18316 295