Matinabangong mga Kamot sa tibuok Kalibotan

Himamata si Edrick gikan sa Guatemala

Himamata ang kabataan sa Primary nga nagtabang sa uban, sama sa gibuhat ni Jesus.

Tanan mahitungod ni Edrick

Edad: 4

Gikan: Sololá, Guatemala

Pinulongan: Kinatsila

Tumong ug mga damgo: 1) Magkat-on sa pagsakay og bisikleta. 2) Manag-iya og baka. 3) Mahimong usa ka opisyal sa pulis.

Pamilya: Si Edrick, Mamá, Papá, Lola, ug Lola sa tuhod

Ang Matinabangong mga Kamot ni Edrick

Si Edrick ug iyang pamilya ganahan nga motabang! Ang iyang mama nagtrabaho sa usa ka shop nagtudlo sa mga tawo unsaon sa pagtahi. Didto sa shop, naa usab silay garden sa utanon. Ang mga tawo nga moadto sa shop makadala og mga untanon kon wala silay pagkaon. Motabang si Edrick sa pagbubo sa mga tanom. “Ang pagkaon og mga utanon importante aron magtubo nga lig-on,” miingon si Edrick. Malipay siya nga makatabang sa pagpatubo og himsog nga pagkaon nga kaonon sa uban.

Si Edrick ganahan usab nga mangalagad uban sa iyang papa. Mogahin sila og panahon sa kabataan ug sa kabatan-onan sa ilang ward. “Ganahan ko nga motabang sa mas magulang nga mga bata,” miingon si Edrick. Siya malipayon kon siya moserbisyo sa uban.

Mga Paborito ni Edrick

Lugar: Tahianan nga shop sa iyang mama, diin makadula siya ug makatabang sa garden

Istorya mahitungod ni Jesus: Sa dihang si Jesus miayo sa buta nga tawo

Awit sa Primary: “Gitawag sa Pagserbisyo” (Songbook sa mga Bata, 94)

Pagkaon: Manok nga dunay fries

Kolor: Asul

Subject sa Eskwelahan: Magsulat og mga letra ug mga numero

Nagsunod si Edrick ni Jesus pinaagi sa pagtabang sa iyang mama sa pag-atiman sa garden. Paklia ang pahina aron basahon kon sa unsang paagi si Jesus mitabang sa Iyang inahan.

Apil sa Pundok sa Matinabangon nga mga Kamot!

Kon kamo moserbisyo sa uban, sakop kamo sa Pundok sa Matinabangon nga mga Kamot! Kinsa ang inyong maserbisyohan?

Mga paghulagway pinaagi ni Nikki Boetger