Parau poro’i tā’āva’e nō te Hoa, Tītema 2022

Te mau i’oa e rave rahi o Iesu

Fa’ahōho’araʼa nā Apryl Stott

E rave rahi peropheta i ha’api’i nō ni’a ia Iesu Mesia. ’Ua parau rātou ē, e fānauhia mai ’oia nō te fa’a’ite ia tātou i te huru orara’a e ora. ’Ua fa’a’ohipa rātou e rave rahi i’oa nō te ha’api’i nō ni’a iāna.

I te tahi taime i roto i te mau pāpa’ira’a mo’a, ’ua pi’ihia ’o Iesu ia Emanuela. Te aura’a nō taua i’oa ra, ’oia ho’i « te Atua iō tātou nei. »

’Ua pi’i-ato’a-hia ’o Iesu te Mesia. Mesia, te aura’a ra, « tei fa’atāhinuhia. » ’Ua pohe ’o Iesu nō tātou ia ti’a ia tātou ’ia ora fa’ahou ā i pīha’i iho i te Atua.

’O Iesu tō tātou Fa’aora. ’Ua fa’aora ’oia ia tātou i tā tātou mau hara ’e te pohe.

Te tahi atu i’oa nō Iesu ’o te Ari’i nō te Hau ïa. ’Ia mata’u ana’e tātou ’e ’aore rā, ’ia riri, e nehenehe ’oia e tauturu ia tātou ’ia fāri’i i te hau nā roto i te Vārua Maita’i.

’Ua here au ia Iesu Mesia. E nehenehe iā’u e ha’api’i i tōna orara’a ’e tōna here i roto i te mau pāpa’ira’a mo’a.

E nehenehe ’outou e tai’o atu ā nō ni’a i te mau i’oa o Iesu i roto i te Isaia 7:14 ; 9:6 ; 43:3 ; ’e te 2 Nephi 2:6.

ʼApi pēnira’a

’Ua here au ia Iesu Mesia

Tāumi i ni’a i te hōho’a nō te fa’auta uira mai.

Fa’ahōho’ara’a nā Apryl Stott

E nāhea ’outou i te fa’a’ite ē ’ua here ’outou ia Iesu ?

© 2022 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, December 2022. Tahitian. 18318 895