Ирээд, Намайг дага үйл ажиллагаа
Гэр бүлийн үдэш, судар судлах юм уу хөгжилтэй үйл ажиллагаанд зориулав!
Боломжгүй зүйл гэж үгүй!
Түүх: Элизабет, Захариа хоёр хүүхэдтэй болохыг хүссэн ч Элизабет хэтэрхий хөгшин байлаа. Нэгэн өдөр, тэнгэр элч Захариад хүүтэй болно гэж хэлэв! Тэдний хүү нь Баптисч Иохан байсан. Элизабет, Захариа хоёр Бурханы хувьд боломжгүй зүйл байхгүй гэдгийг сурч мэдсэн. (Лук 1:11–14, 37-г үзнэ үү.)
Дуу: ”Хүүхдийн залбирал” (Хүүхдийн дууны ном, 6)
Үйл ажиллагаа: Энэ “боломжгүй” даалгаврыг туршаад үзээрэй! Эхлээд дунд хуруугаа нугална. Дараа нь гараа ширээн дээр алгаа доош харуулан тавь. Одоо ядам хуруугаа өргөх гээд үз. Дараа нь өөр хүнээс ядам хурууг чинь өргөхийг хүс. Боломжгүй мэт санагдсан зүйлийг хийхэд Тэнгэрлэг Эцэг чамд хэрхэн тусалсан бэ?
Христийн мэндэлсэн түүх
Түүх: Есүс Христ Бетлехем хотод, нэгэн малын хашаанд төрсөн. Хоньчид, тэнгэр элч нар, мэргэд Түүнийг харахаар ирсэн. Та нар мэргэдийн талаар 46-р хуудаснаас дэлгэрэнгүй унших боломжтой.
Дуу: “Есүс над шиг хүүхэд байв” (Хүүхдийн дууны ном, 34)
Үйл ажиллагаа: Гэр бүлийн гишүүдийнхээ мэндэлсэн түүхийг ээлжлэн ярь. Ta тэдний хаана, хэзээ төрсөн, эцэг эх нь хэн болох, эсвэл мэндэлсэн түүхтэй нь холбоотой мэддэг бусад зүйлээ ярьж болно.
Жинхэнэ Гэрэл
Иохан 1-ээс
Түүх: Есүс Христийг заримдаа “жинхэнэ Гэрэл” гэж нэрлэдэг (Иохан 1:9). Судрууд бидэнд Түүний зарлигуудыг сахиж, Түүнийг дагах ёстой гэж заадаг. Тэгвэл бид “Бурханы хөвгүүд [мөн охид] болох хүчтэй” байх болно (Иохан 1:12).
Дуу: “Есүс бол миний жинхэнэ гэрэл” (23-р хуудас)
Үйл ажиллагаа: Зорилгынхоо талаар зураг зур. Зурсан зургаа өөр хүнээр өрөөний хаа нэгтээ нуулгаад, гэрлээ унтраа. Одоо жижигхэн гэрэл бариад өрөөний эргэн тойрныг гэрэлтүүл. Ta нуусан зургийг олж чадах уу? Зорилгодоо хүрэхэд чинь Есүс Христ хэрхэн тусалж чадах талаар ярилц.
Гэрээний зам
Түүх: Есүс Христ “бүх зөвт байдлыг гүйцэлдүүлэх[ийн]” тулд Баптисч Иохан дээр очиж, баптисм хүртсэн (Матай 3:15). Тэнгэрлэг Эцэгт дуулгавартай байх үлгэр жишээг харуулахын тулд Есүс баптисм хүртсэн. Бид ч бас баптисм хүртсэнээр Есүсийг дагаж чадна!
Дуу: “Come, Follow Me” (Hymns, д. 57)
Үйл ажиллагаа: 9-р хуудас руу очин, гэрээний замын талаар мэдэж аваарай. Дараа нь үйл ажиллагааг хий. Сар бүр энэ хуудаснаас, Тэнгэрлэг Эцэг рүү буцах замаар алхсанаар чамд ирэх адислалын талаар мэдэх болно!
Зураг чимэглэлийг Кэйти Докрилл