Parau poro’i tā’āva’e nō te Hoa, Tiunu 2023

’Ā’amu nō te pāpa’ira’a mo’a

Te ’ōro’a mo’a mātāmua

Fa’ahōho’araʼa nā Apryl Stott

Hou ’oia ’a pohe ai, ’ua fārerei Iesu Mesia i tāna mau ’āpōsetolo. ’Ua hōro’a ’oia ia rātou i te ’ōro’a mo’a.

’Ua ’ōfati Iesu i te faraoa ’e ’ua hōro’a atu i te reira ia rātou. ’Ua ani ’oia ia rātou ia ’amu i te reira nō te tauturu ia rātou ’ia ha’amana’o ē, ’ua hōro’a ’oia i tōna ora nō rātou.

I muri iho, ’ua hōro’a Iesu ia rātou i te hō’ē ’āu’a. ’Ua ani ’oia ia rātou ’ia inu i te reira. E tauturu te reira ia rātou ’ia ha’amana’o ato’a iāna.

I muri mai ato’a, ’aita Iesu i pīha’i iho i tāna mau ’āpōsetolo, ’ua tauturu te ’ōro’a mo’a ia rātou ’ia feruri iāna. E nehenehe rātou e pūtapu i tōna here ’e e ha’amana’o ’ia ha’apa’o i te mau fa’auera’a.

E nehenehe ’outou e tai’o i teie ’ā’amu i roto te Mataio 26:17–30 ; Mareko 14:12–16, 22–24 ; ’e Luka 22:7–20.

ʼApi fa’a’ūraʼa

E nehenehe au e rave i te ’ōro’a mo’a

Fa’ahōho’ara’a nā Apryl Stott

’Ia rave ana’e au i te ’ōro’a mo’a, e nehenehe au e ha’amana’o ia Iesu ’e i tōna here nō’u.

© 2023 nā Intellectual Reserve, Inc. fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, June 2023. Language. 190026 895