“Faalogoina o le Agaga Paia,” Uo, Aokuso 2023, 21.
Faalogoina o le Agaga Paia
Ata na tusia e Xavier Bonet
I le taumafanafana talu ai, sa o ai lo’u aiga i se savaliga sopo. O le alasopo na tau atu ai i se vaitafe. Sa matou aveeseina ma lo’u uso matua, lo’u tuagane laitiiti, o matou seevae ma savavali atu i totonu o le vai.
Ina ua pasi teisi e le vai o’u tulivae, sa matou tutu loa. Sa matou vaaia se vaega o tamaiti matutua atu o taaalo i vai loloto i luma atu. Sa ataata lo’u uso ma fai mai, “E tatau ona tatou o atu i le loloto!”
Ae sa ta’u mai e se leo i lo’u ulu ia te a’u ma te tutu pea ma lo’u tuagane laitiiti. Ou te iloa o le Agaga Paia lea. Sa ou fai atu i lo’u uso e mafai ona alu e siaki, ae o le a ma faatali atu ma lo’u tuagane laitiiti.
Ina ua toe foi mai lo’u uso, sa ia fai mai o le vai sa malosi tele ma faigata ona savali ai. Ina ua ia fai mai lena mea, sa ou iloaina sa ou faia le filifiliga sa’o e tumau saogalemu faatasi ma lo’u tuagane laitiiti.