“Yexus Tau Qhia txoj Kev rau Peb,” Phooj Ywg, Yim Hli Ntuj 2023, 4–5.
Zaj Lus hauv Phooj Ywg Txhua Hli, Yim Hli Ntuj 2023
Yexus Tau Qhia txoj Kev rau Peb
Yexus Khetos yog Leej Txiv Saum Ntuj Ceeb Tsheej tus Tub. Nws tau los rau hauv lub ntiaj teb no kom peb paub rov qab mus cuag Leej Txiv Saum Ntuj Ceeb Tsheej thaum yav tom ntej. Yexus tau ua kev cai raus dej. Nws qhia kom peb ua kev cai raus dej thiab.
Yexus tau qhia peb paub ua neej zoo li cas. Nws hlub thiab pab txhua tus. Nws xav kom peb coj raws li Nws.
Yexus tau hnov tag nrho peb txoj kev mob thiab raug txom nyem rau peb tej kev txhaum. Ces Nws tuag theej peb. Qhov no hu ua Yexus Khetos txoj Kev Theej Txhoj. Nws sawv rov los lawm. Qhov no txhais tias Nws muaj sia nyob hnub no! Vim muaj Yexus Khetos, peb kuj yuav muaj txoj sia tom qab peb tuag.
Yexus tau ua txhua yam no rau peb vim Nws hlub peb. Vim muaj Nws, ces muaj ib hnub peb nyob tau nrog peb Leej Txiv Saum Ntuj Ceeb Tsheej thiab peb tsev neeg.
Peb coj tau raws li Yexus thaum peb ua kev cai raus dej. Peb kuj coj tau raws li Nws txhua hnub thaum peb hlub thiab pab lwm tus thiab ua raws li Nws cov lus txib.
© 2023 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, August 2023. Language. 19046 295