“Jisōs Ekar Kwaļo̧k N̄an Kōj Iaļ eo,” Jera, O̧kwōj 2023, 4–5.
Ennaan ko jān Eo Jera Kajjojo Allōn̄, Okwōj 2023
Jisōs Ekar Kwaļo̧k N̄an Kōj Iaļ eo
Kōmeļeļe ko jān Dan Burr
Jisōs Kraist ej Nejin Jemedwōj Ilan̄. E ekar itok n̄an laļ in im kwaļo̧k n̄an kōj ekōjkan ad maron̄ bar ro̧o̧l n̄an ippān Jemedwōj Ilan̄ juon raan. Jisōs ekar peptaij. E ekar katakin bwe jej aikuj peptaij barāinwōt.
Jisōs ekar kwaļo̧k n̄an kōj ekōjkan ad mour. E ekar iakwe im jipan̄ aolep. E ej kōņaan bwe jen ļoor E.
Jisōs ekar en̄jake aolep metak im en̄taan kōn jerawiwi ko ad. Innām E ekar mej kōn kōj. Menin kar ņa etan Pinmuur eo an Jisōs Kraist. E ekar jerkakpeje. Meļeļe in E ej mour rainin! Kōn Jisōs Kraist, jenaaj barāinwōt mour ālkin mej.
Jisōs ekar kōm̧m̧ane aolepān men kein n̄an kōj kōnke E ej iakwe kōj. Kōn E, jemaron̄ mour ippān Jemedwōj Ilan̄ im baam̧le ko ad juon raan.
Jemaron̄ ļoor Jisōs ilo ad peptaij. Jemaron̄ barāinwōt ļoor E aolep raan n̄e jej iakwe im jipan̄ ro jet im kōjparok kien ko An.
© 2023 jān Intellectual Reserve, Inc. Aolep mālim rej pād ie. Kar būriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly Friend Message, August 2023. Language. 19046 874