“Есүс бидэнд зам заасан,” Найз, 2023 оны 8-р сар, 4–5.
Сар тутмын Найз сэтгүүлийн захиас, 2023 оны 8-р сар
Есүс бидэнд зам заасан
Зургийг Дан Бөрр
Есүс Христ бол Тэнгэрлэг Эцэгийн Хүү. Тэр бидэнд хэзээ нэгэн өдөр Тэнгэрлэг Эцэгтээ хэрхэн буцаж очихыг заахаар дэлхийд ирсэн. Есүс баптисм хүртэв. Тэрээр биднийг ч бас баптисм хүртэх хэрэгтэй гэж заасан.
Есүс бидэнд хэрхэн амьдрахыг харуулсан. Тэрээр хүн бүрд тусалж, тэднийг хайрлаж байв. Тэр биднээс Өөрийг нь дагахыг хүсдэг.
Есүс бидний бүх шаналлыг мэдэрч, бидний нүглээс болж зовсон. Тэгээд Тэр бидний төлөө нас барсан. Үүнийг Есүс Христийн Цагаатгал гэж нэрлэдэг. Тэр амилсан. Энэ нь Тэр өнөөдөр ч амьд гэсэн үг! Есүс Христийн ачаар бид ч бас нас барсныхаа дараа дахин амьдрах болно.
Есүс бидэнд хайртай учраас бидний төлөө эдгээр бүх зүйлийг хийсэн. Түүний ачаар бид хэзээ нэгэн өдөр Тэнгэрлэг Эцэгтэйгээ болон гэр бүлтэйгээ хамт амьдарч чадна.
Бид баптисм хүртэж Есүсийг дагаж чадна. Бид мөн бусдыг хайрлаж, тэдэнд тусалж мөн Түүний зарлигуудыг сахиснаар өдөр бүр Түүнийг дагаж чадна.
© 2023 Intellectual Reserve, Inc. All rights reserved. АНУ-д хэвлэв. Англи хэлний зөвшөөрөл: 6/19. Орчуулгын зөвшөөрөл: 6/19. Monthly Friend Message, August 2023-ын орчуулга. Language. 19046 363