“Sises Ketin Kasalehiong Kitailehr Ahlo,” Kempoakepah, Oahkos 2023, 4–5.
Padahk en Sounpwong kan en Kempoakepah Oahkos 2023
Sises Ketin Kasalehiong Kitailehr Ahlo
Mahlen kan sang Dan Durr
Sises Krais iei Sapwelimen Kauno Iehros. E ketdo sampah pwehn kasalehiong kitail mwomwen atail pahn pwuralahng rehn Samatail Nanleng ehu rahn. Sises ketin pepdaislahr. E ketin pahdahngkiher me kitail pil anahne pepdaisla.
Sises ketin kasalehiong kitailehr duwen atail pahn mour. E ketin poakongehr oh sewesedahr koaros. E ketin kupwurki kitail en idawehn Ih.
Sises ketin kehnehr atail medek koaros oh lokolokehr pwehki dipatail akan. Ih eri ketin pwoulahr pwehki kitail Met kahdaniki Tomwpen dihp en Sises Krais. E ketin iasadahr. Met wehwehki E ketin ieias rahnwet! Pwehki Sises Krais, kitail pahn pwurehng mourda mwurin atail mehla.
Sises ketin wia mepwukat koaros ohng kitail pwehki E ketin poakong kitail. Pwehki Ih, kitail kak mihmi rehn Samatail Koht oh atail peneinei ehu rahn.
Kitail kak idawehn Sises ni atail pahn pepdaisla. Kitail kak pil idawehn Ih rahn koaros ansou kitail poakong oh sewese mehteikan oh kolokol Sapwellime kosonned kan.
© 2023 sang Intellectual Reserve, Inc. Pwuhng Koaros kolkoldier. Intingda nan USA. Kamanaman ohng ni lokaiahn Wai: 6/19. Kamanaman ohng kawehwe: 6/19. Kawehwepen Padahk en Kempoakepah en Sounpwung kan, Oahkos 2023. Language. 19046 885