Kumusta gikan sa Zimbabwe!

Pagkat-on mahitungod sa mga anak sa Langitnong Amahan sa tibuok kalibotan.

Ang Zimbabwe anaa sa Habagatang Africa. Sobra sa 16,500,000 ka tawo ang nagpuyo didto.

Mga pinulongan

Ang Zimbabwe adunay 16 ka opisyal nga mga pinulongan. Pipila niini mao ang Shona, Ndebele, ug English—magngalan lang og pipila!

Livukile!

Nagpasabot kana og “maayong buntag!” sa Ndebele.

Usa ka Pagbisita gikan sa Propeta

Niadtong Abril 2018 si Presidente Nelson ug si Sister Nelson mibisita sa Zimbabwe. Gatosan ka kabataan ang mikanta og “Ako Anak sa Dios” ngadto kanila.

Usa ka Talagsaon nga Busay

Ang Busay sa Victoria didto sa Zimbabwe mao ang labing dako nga busay sa kalibotan. Ang kasaba sa tubig madungog gikan sa sobra 24 ka milya (40 km) nga gilay-on!

Maanindot Kaayo nga mga Hayop

Adunay daghang kasagbotan sa Zimbabwe. Pipila sa mga hayop nga nagpuyo didto mao ang mga liyon, mga hippopotamus, mga giraffe, mga antelope, ug mga elepante.

Kalihokan

Craft nga Elepante

Ang Zimbabwe ang ikaduha sa adunay labing daghan nga populasyon sa elepante sa kalibotan!

1. Paggunting og usa ka dako nga lingin nga papel alang sa ulo ug duha ka mas gagmay nga lingin alang sa mga dalunggan. Dayon ipilit ang mga dalunggan ngadto sa ulo.

2. Paggunting og taas nga rektanggulo nga papel aron makahimo og simod [trunk]. Pil-a kini og bali-bali aron maporma kini og zig-zag.

3. Paggunting og duha ka dagkong tango sa elepante.

4. Karon pagdrowing og mga mata ug pahiyom alang sa inyong elepante. Dayon ipapilit ang mga tango ug simod sa ibabaw!

Risipi

Muriwo Unedovi (Peanut Butter Greens)

Ang Muriwo unedovi usa ka tradisyonal nga pagkaon sa Zimbabwe. Aniay usa ka bersiyon nga mahimo nimong sulayan!

1. Paghiwa og 1 ka sibuyas ug lutoa diha sa kaha nga adunay mantika sulod sa 3–5 ka minuto. Paghiwa og 2 ka tamatis ug ibutang usab sa kaha. Lutoa sa dugang pang 3–5 ka minuto.

2. Paghiwa og 10 ka tasa (2400 ml) nga spinach (o madahon nga berdeng utanon nga gusto nimo) ug idugang sa kaha. Pasagdi ang mga berdeng dahon nga mokuyos sulod sa 5 ka minutos.

3. Pagbutang og 2 ka kutsara (30ml) nga peanut butter, 1/4 tasa (59 ml) nga tubig, ug 1/2 kutsarita (2.4 ml) nga garlic powder. Taronga og sagol ug butangi og asin aron sa pagtimpla.

Seguroha nga makapangayo og tabang sa usa ka hamtong!

Mga paghulagway pinaagi ni Katie Rewse