Kveðja frá Simbabve!

Lærið um börn himnesks föður víða um heim.

Simbabve er í sunnanverðri Afríku. Meira en 16.500.000 manns búa þar.

Tungumál

Í Simbabve eru 16 opinber tungumál. Sum þeirra eru shona, ndebele og enska—bara til að nefna nokkur!

Livukile!

Það þýðir „Góðan dag!“ á ndebele.

Heimsókn frá spámanninum

Í aprílmánuði 2018 heimsóttu Nelson forseti og systir Nelson Simbabve. Hundruði barna sungu fyrir þau „Guðs barnið eitt ég er“.

Stórkostlegur foss

Viktoriufossarnir í Simbabve eru stærstu fossar í heiminum. Hljóðin frá þeim má heyra í 40 km fjarlægð.

Stórkostleg dýr

Það eru margar graslendur í Simbabve. Sum dýranna sem búa þar eru ljón, flóðhestar, gírafar, antilópur og fílar.

Verkefni

Fílaföndur

Simbabve er með næststærsta fílastofn í heimi!

1. Klippið út stórann hring fyrir hausinn og tvo litla hringi fyrir eyrun. Límið svo eyrun á höfuðið.

2. Klippið langan ferhyrning til að búa til ranann. Brjótið upp á hann fram og aftur svo það myndi sikk-sakk form.

3. Klippið út tvær fílatennur.

4. Teiknið nú augu og bros á fílinn ykkar. Límið svo fílatennurnar og ranann ofaná!

Uppskrift

Muriwo Unedovi (Hnetusmjörsgrænmeti)

Muriwo unedovi er hefðbundinn réttur í Simbabve. Hér er uppskrift sem þið getið prófað!

1. Saxið niður 1 lauk og steikið á pönnu með olíu í 3–5 mínútur. Skerið niður 2 tómata og bætið við á pönnuna. Eldið í 3–5 mínútur í viðbót.

2. Saxið 10 bolla (2400 ml) af spínati (eða grænt kálmeti að eigin vali) og setjið á pönnuna. Sjóðiðspínatiðniður í gufunni í 5 mínútur.

3. Bætið við 2 matskeiðum (30 ml) af hnetusmjöri, 1/4 bolla (59 ml) af vatni, og 1/2 teskeið (2,4 ml) af hvítlaukskryddi. Blandið vel saman og bætið við salti eftir smekk.

Verið viss um að fá hjálp frá fullorðnum!

Myndskreyting: Katie Rewse