Iakwe jān Zimbabwe!

Katak kōn ajri ro nejin Jemedwōj Ilan̄ ipeļaakin laļin.

Zimbabwe ej pād Southern Africa. Elōn̄ļo̧k jān 16,500,000 armej rej jokwe ijeņ.

Kajin ko

Zimbabwe ewōr 16 kajin ko ie. Jet iaer rej Shona, Ndebele, im English—n̄an baj kwaļo̧k etan jejjo̧ iaer!

Livukile!

Meļeļein “Iakwe in jibbon̄!” ilo Ndebele.

Juon Lotok jān Rikanaan eo

Ilo Eprōļ 2018 Būreejtōn Nelson im Sister Nelson rekar loļo̧k Zimbabwe. Bukwi ajri ro rekar al “N̄a Nejin Anij” n̄an er.

Juon Waterfall Aiboojoj

Victoria Falls ilo Zimbabwe ej waterfall eo ekileptata ilo laļ in. Ainikien maron̄ ron̄ jān 24 m̧ail (40km) ettoļo̧k!

Mennin mour ko rekabwilōn̄lōn̄

Ebooļ jikin ko roujoojoje ilo Zimbabwe. Jet iaan mennin mour ko me rej jokwe ijeņ rej ļaion, hippopotamuses, giraffes, antelopes, im elephant ko.

M̧akūtkūt

Elephant Craft

Zimbabwe ej kein karuo lōn̄tata elephant ie ilo laļ in!

1. Mwijiti juon peba kileplep edoulul n̄an bar eo im ruo doulul jiddik ko n̄an lo̧jiln̄i ko. Innām kūļūki lo̧jiln̄i ko ippān bar eo.

2. Mwijiti juon peba eaitok rectangle n̄an kōm̧m̧ane bo̧ti. Nikwiji liktak im m̧aanļo̧k bwe en kōm̧m̧an jekjek ko rezig zag.

3. Mwijiti ruo n̄ii ko raitok.

4. Kiiō jin̄aiki mej ko im juon ettōn̄dikdik n̄an elephant eo am̧. Innām kūļūik ippān n̄ii ko raitok im n̄ii ko raitok ilōn̄!

Iiōk

Muriwo Unedovi (Peanut Butter Greens)

Muriwo unedovi ej juon m̧ōn̄ā in Zimbabwe. En̄in ej iiōk eo kwomaron̄ kajjieon̄!

1. Kajidikdik 1 anien im kōm̧ate ilo juon baan ippān oil ium̧win 3–5 minit. Kajidikdik 2 tōmato im kobaiki ilo baan eo. Kōm̧at ium̧win 3–5 minit ko.

2. M̧wjiti 10 cups (2400 ml) in spinach (ak bōlōk kūriin am̧ wōt kāālet) im kobaiki ilo baan eo. Kajidikdik bōlōk kūriin ko im kōmati iumwin 5 minit.

3. Kobaik 2 tablespoons (30 ml) peanut butter, 1/4 cup (59 ml) dān, im 1/2 teaspoon (2.4 ml) in kalik bota. Iōōki im kobaiki jo̧o̧ļ bwe en lōn̄ nemen.

Lale bwe kwon bōk jipan̄ jān juon rūtto!

Kōmeļeļe ko jān Katie Rewse