Salamu kutoka Zimbabwe!

Jifunze kuhusu watoto wa Baba wa Mbinguni ulimwenguni kote.

Zimbabwe iko Kusini mwa Afrika. Zaidi ya watu 16,500,000 wanaishi huko.

Lugha

Zimbabwe inazo lugha rasmi 16. Baadhi ya hizi ni Shona, Ndebele na Kiingereza—kwa kuzitaja chache tu!

Livukile!

Hiyo ina maana “Habari za Asubuhi” kwa Kindebele.

Ziara kutoka kwa Nabii

Mnamo Aprili 2018 Rais Nelson na Dada Nelson walifanya ziara Zimbabwe. Mamia ya watoto waliimba “Mimi ni Mtoto wa Mungu” kwa ajili yao.

Maporomoko ya maji ya Ajabu

Maporomoko ya Maji ya Victoria huko Zimbabwe ni maporomoko makubwa ya maji ulimwenguni. Kishindo kinaweza kusikika umbali wa zaidi ya maili 24 (km 40)!

Wanyama wa Kuvutia

Kuna kanda nyingi za mbuga ndani ya Zimbabwe. Baadhi ya wanyama ambao wanaishi huko ni simba, viboko, twiga, swala na tembo.

Shughuli

Sanaa ya Tembo

Zimbabwe ina idadi ya pili kwa ukubwa ya tembo ulimwenguni!

1. Kata duara moja kubwa katika karatasi kwa ajili ya kichwa na duara mbili ndogo kwa ajili ya masikio. Kisha gandisha masikio kwenye kichwa.

2. Kata karatasi ndefu ya mstatili kutengeneza mkonga. Kunja mbele na nyuma ili utengeneze umbo la zig zag.

3. Kata pembe mbili za tembo.

4. Sasa chora macho na tabasamu kwa ajili ya tembo wako. Kisha gundisha pembe na mkonga juu yake!

Maelezo ya upishi

Muriwo Unedovi (Siagi ya karanga ya Mboga)

Muriwo unedovi ni chakula cha asili huko ya Zimbabwe. Hapa kuna toleo unaloweza kujaribu!

1. Kata kata kitunguu 1 na pika ndani ya sufuria yenye mafuta kwa dakika 3–5. Kata kata nyanya 2 na changanya kwenye sufuria. Pika kwa zaidi ya dakika 3–5.

2. Kata kata vikombe 10 (ml 2400) za spinachi (au mboga ya majani ya chaguo lako) na ongeza ndani ya sufuria. Acha mboga inyauke kwa dakika 5.

3. Ongeza vijiko 2 vya kulia (ml 30) siagi ya karanga, robo ya kikombe (ml 59) maji, na 1/2 kijiko cha chai (ml 2.4) ya unga wa kitunguu saumu Changanya vizuri na ongeza chumvi kwa ladha.

Hakikisha unapata msaada wa mtu mzima!

Vielelezo na Katie Rewse