Unsay Buot Ipasabot sa “Pagpundok sa Israel”?

Ang pagpundok sa Israel nagpasabot sa pagtabang sa mga tawo nga mohimo ug motuman sa mga pakigsaad, o mga saad, ngadto sa Langitnong Amahan. Sulod sa templo kita makahimo niini pinaagi sa pagpabunyag alang niadtong mga namatay na. Ang mga propeta misaad nga kon kita motabang sa pagpundok sa Israel, atong mabati ang gugma ni Jesukristo alang kanato.

Harare Zimbabwe

Kini ang mahimong una nga templo sa Zimbabwe.
Si Elder Edward Dube, kinsa gikan sa Zimbabwe, mihatag og pag-ampo atol sa groundbreaking. Siya nag-ampo nga ang templo makatabang aron mahibalik ang mga kasingkasing sa katawhan ngadto ni Jesukristo.

Freiberg Germany

Kini nga templo adunay brick nga mga bungbong nga 2 ka piye (60 cm) ang gibag-on.
Sa dihang nahuman kini niadtong 1985, kini mao ang labing gamay nga templo.
Hapit moabot sa 90,000 ka tawo ang mitambong sa duha ka semana nga open house.