Mga Istorya sa Kasulatan

Si Nephi Nag-ampo alang sa Katawhan

Si Nephi usa ka propeta. Siya ginganlan sunod ni Nephi kinsa nagkuha sa mga palid nga tumbaga. Nabalaka siya mahitungod sa katawhan. Sila mihunong sa pagsunod sa Dios.

Si Nephi miadto sa iyang tanaman. Misaka siya sa usa ka tore sa tanaman ug nag-ampo ngadto sa Dios. Nag-ampo siya alang sa katawhan.

Pipila ka tawo ang nakabantay ni Nephi diha sa tore. Mihunong sila aron maminaw ug gipundok ang uban aron makadungog. Sa dihang nahuman na sa pag-ampo si Nephi, nabantayan niya nga sila nagtan-aw ug misugod sa pagtudlo kanila.

Si Nephi mihangyo sa katawhan sa paghinulsol. Ang uban kanila wala makauyon sa unsay gitudlo ni Nephi. Apan daghang uban pa ang naminaw! Gipili nila nga maghinulsol ug miusab sa ilang mga binuhatan.

Inyong mabasa kini nga istorya diha sa Helaman 7:10–17 ug 8:7–10.

Mga Paghulagway pinaagi ni Andrew Bosley