Unsay Anaa sa Inyong Hunahuna?

Dili ko ganahan mosulay og bag-o nga mga butang tungod kay kanunay kong masayop. Unsay akong buhaton?

—Naningkamot sa Toronto

Minahal nga Naningkamot,

Tingali maghunahuna ka nga kon dili nimo mabuhat nga perpekto ang mga butang, pakyas ka nga pagkatawo. Apan kana dili tinuod! Gani, ang mga sayop makatabang nimo nga makat-on ug molambo.

Ang Langitnong Amahan motabang nato nga makat-on sa hinay-hinay (tan-awa sa Doktrina ug mga Pakigsaad 98:12). Imbes mopokus nga mahimong perpekto, sulayi ang pagpokus sa paglambo ug sa hinayhinay mamahimong sama Kaniya. Tan-awa ang maayo nga mga butang nga imong nahimo. Paningkamoti ang pag-usab sa negatibong mga panghunahuna mahitungod sa imong kaugalingon ngadto sa pagkahimong positibo. Ang labing importante, kon makahimo ka og sayop—o bisan 20 ka sayop—ginhawa og lawom, pag-ampo, ug padayon!

Inubanan sa gugma,

Higala

Himoa Kini nga mga Kuriskuris nga Art!

Adunay misugod niini nga mga drowing apan mihunong sa dihang naghunahuna nga sila dili igo ang pagkamaayo. Gamita ang imong pagkamamugnaon aron mahuman ang matag drowing. Atong tan-awon kon unsay mahitabo kon kita magpadayon!