Ta eo ilo Ļōmņak eo Am̧?

Ijjab kōņaan kajjieon̄e men ko rekāāl kōnke aolep iien ij kōm̧m̧ani bōd ko. Ta eo ij aikuj kōm̧m̧ane?

—Perfect ilo Bukwōn in Panama

Iakwe Perfect,

Bōlen kwoj ļōmņak bwe eļan̄n̄e eban jetjet am̧ kōm̧m̧ani men ko, kwoj juon rilikjab. Ak menin ejjab m̧ool! Ilo m̧ool, bōd ko remaron̄ jipan̄ eok katak im em̧m̧anļo̧k.

Jemedwōj Ilan̄ ej jipan̄ kōj katak jidik kōn jidik (lale Katak im Bujen Ko 98:12). Ijjelo̧kin pedped wōt ioon ad wāppen, kajjieon̄ pedped ioon am̧ eddōkļo̧k im jidik jidik erom āinwōt E. Kappukot men ko em̧m̧an am̧ kōm̧m̧ani. Jerbal ilo am̧ ukōt ļōmņak ko renana kōn kwe make n̄an ko rem̧m̧an. Eļaptata an aorōk, n̄e kwoj kōm̧m̧ane juon bōd—ak men̄e 20 bōd ko—bōk kitwōm̧, jar juon jar, im wōnm̧aanļo̧k wōt!

Ilo Iakwe,

Eo Jera

Ukōti Jeje Kein n̄an Pija!

Juon eo ekar jino jin̄a kein ak ekar ebbeer ke rekar ļōmņak rekar jab em̧m̧an. Kōjerbal loļo̧kjeņ in jerbal ko am̧ n̄an kam̧ōje kajjojo jin̄a. Jej lale ta eo ej waļo̧k n̄e jej wōnm̧aanļo̧k wōt!