Juon Bwebwenato ippān Teancum kōn Jeje ko Rekwojarjar

Teancum ej jān Fiji. Kōm kar kajjitokin e jet kajjitōk ko kōn wāween an kar katak jān Bok in Mormon.

Kwaļo̧k kajeem make n̄an kōm.

Ratimjuon aō iiō im diktata iaan ajri ro jiljino. Kōļar eo em̧m̧antata ippa ej būrōrō, im m̧ōn̄ā eo ennotata ippa ej curry bao ippān rice. Em̧m̧an ippa ikkure rugby! Jet iaan men ko rejenolo̧k kōn n̄a ej eta. Āt eo eta ej jān ritariņae ro ilo Bok in Mormon eo, āt eo eta kein karuo ej jān juon em̧m̧aan nej jema ilo Nigeria, im etan last name eo aō ej jān Fiji.

Ta eo ekar jipan̄ eok ekkatak jān jeje ko rekwojarjar?

Eļap an em̧m̧an ippa riiti jeje ko rekwojarjar ippān baam̧le eo aō. Kōm̧ij ekkatak jān katak ko ilo Item Ļoor Eō ippān doon. Em̧m̧an ippa ekkatak bwebwenato ko rekāāl kajjojo wiik. Kōm̧ij kōnono kōn ta eo kōm̧ij katak im kwaļo̧k naan in kam̧ool ko am n̄an doon. N̄e ij riiti jeje ko rekwojarjar, ij barāinwōt kōņaan pijaiki n̄a make ilo bwebwenato ko.

Ewi wāween an jeje ko rekwojarjar jipan̄ eok?

Jeje ko rekwojarjar rej kakeememej eō bwe in kekemo̧o̧j im peran im n̄an jar kōn kaenōm̧m̧an. Jabdewōt iien ij mijak ak makeļo̧k iaaō, ijeļā bwe Jetōb Kwojarjar enaaj aolep iien kaenōm̧m̧an eō.

Ta bwebwenato eo em̧m̧an ippam̧ jān Bok in Mormon?

Bwebwenato eo em̧m̧antata ippa jān Bok in Mormon eo ej bwebwenato in Teancum kōnke ekar juon ritōl em̧m̧an im juon ritariņae. Ekar tariņae kōn baam̧le eo an, ro jeran, im Kabun̄ eo. Ijeļā imaron̄ in erom̧ āinwōt e barāinwōt im aolep iien jutak kake ta eo ij iakwe eļaptata.

Ta naan in kōkapilōklōk eo kwonaaj leļo̧k n̄an juon eo epen an meļeļe jeje ko rekwojarjar?

Eļan̄n̄e juon armej ej kakkōt n̄an katak jān jeje ko rekwojarjar, remaron̄ kajjitōk ippān jineer ak jemāer ak aaet ro jeir im jatier n̄an jipan̄ er. Baam̧le eo rej lukkuun jipan̄ eō. Komaron̄ barāinwōt kajjitōk ippān juon rūkaki in Būraimere ak ritōl ilo Kabun̄ in!

Kōmeļeļe ko jān Augusto Zambonato