“Dagiti Pastor a Sumarsarungkar iti Maladaga a Jesus,” Friend, Dis. 2023, 46–47.
Binulan a Mensahe iti Friend , Disiembre 2023
Dagiti Pastor a Sumarsarungkar iti Maladaga a Jesus
Dagiti panangiladawan ni Apryl Stott
Maysa a rabii, sinarungkaran ti maysa nga anghel dagiti pastor iti taltalon. Imbaga ti anghel kadakuada a naipasngay ti maysa a napateg a maladaga. Ti naganna ket Jesucristo. Isunto ti Mangisalakan iti amin a tattao ditoy lubong. Ad-adu pay nga anghel ti simmangpet. Inkantada, “Dayag iti Dios iti kangatuan, ken ditoy daga talna, naimbag a pagayatan kadagiti tattao.”
Nagdardaras dagiti pastor a simmarungkar iti maladaga a ni Jesus. Naragsakanda unay a nakakita Kenkuana!
Imbaga dagiti pastor kadagiti dadduma ti maipapan ken ni Jesucristo. Kayatda a mangngeg ti amin ti naimbag a damag.
Panid ti Panagkolor
Makapagkantaak iti maipapan ken ni Jesucristo.
Panangiladawan ni Apryl Stott
Mabalinko ti agkanta kadagiti kanta maipapan ken ni Jesus tapno maselebraran ti pannakayanakna.
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, December 2023. Language. 19049 864