Isuro ni Aaron ti Ari

Ladawan

Ni Aaron a mangisursuro kadagiti tao; Ni Aaron a nakatakder iti sango ti ari

Dagiti panangiladawan ni Andrew Bosley

Ni Aaron ti maysa kadagiti annak a lallaki ni Alma. Maysa a misionario isuna. Insurona ti ari dagiti Lamanite iti intero a pagilian.

Ladawan

Ni Aaron a makisasao iti ari

Dinamag ni Aaron iti ari no mamati isuna iti Dios. Kinuna ti ari a mamati no ibaga ni Aaron kenkuana nga agpaypayso ti Dios. Indawatna ken Aaron nga ibagana kenkuana ti ad-adu pay maipapan iti Dios.

Ladawan

Ni Aaron a mangisursuro nga addaan pangiladawan kadagiti langit

Imbasa ni Aaron dagiti nasantuan a kasuratan iti ari. Insurona ti maipapan iti pannakaparsua ti daga. Insurona ti maipapan iti plano ti Dios. Imbagana iti ari ti maipapan ken ni Jesucristo.

Ladawan

Ti ari dagiti Lamanite a nakaparintumeng; ni Aaron a mangbumbuniag kadagiti tao

Kalpasanna, nagkararag ti ari. Sinaludsodna iti Dios no pudno ti kinuna ni Aaron. Inawat ti ari ti sungbat a pudno daytoy!

Namati ti ari no ania ti insuro ni Aaron. Namati met ti tunggal maysa iti sangakabbalayanna. Nabuniaganda ken pinilida ti sumurot ken Jesucristo.

Panid ti Panagkolor

Masurotko ni Jesus babaen ti Panangipakita iti Ayat

Ladawan

Panid iti panagkolor dagiti ubbing ken dadakkel a puso

Panangiladawan ni Adam Koford

Kasano nga ipakitam ti ayatmo iti dadduma?

© 2024 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, July 2024. Ilokano. 19348 864