Aron ni Machib nag fare Pilung

Aron nibe machib nag e girdi’; Aron nibe sak’iy u mit fare pilung

Aron e ir reb fapi pagal ni fak Mosiah. I ir reb e tamachib. Ir e machib nag fare pilung ko Lamanites nge ga’angin yang ulan e binaew roraed.

Aron ni fith ngak fare pilung ko fa’anra michuwaen’ ku Got. Fare pilung e yoeg nira michuwaen’ Aron ni fa’anra yoeg ngak ni Got e bay nib riyul’. Ke fith ngak Aron ni nge weliy boech mornga’agen Got ngak.

Aron nibe machib ni bay ya’an e sassing ko tharmiy u tomur rok’.

Aron nibe be’eg e chep nib thothup ngak fare pilung. Me machib nag mornga’agen e tin nikan sumniy ko fayleng. Maki machib nag mornga’agen wo’en e tonom ku Got. Maki weliy morngaʼagen Yesus Kristus ngak fare pilung.

Fare pilung ko Lamanites nike ragbug nga butt’; Aron nibe tawfe nag fapi girdi’

Tomuren riy, me meybil fare pilung. Me fith ngak Got ko fa’anra ba riyul’ e pin’en nike yoeg Aron. Me thapeg fare pilung fare fulweg nib riyul’!

Fare pilung e michuwaen’ ko pin’en ni machib nag Aron. Ma ku urngin e girdi’ ulan e tabinaew rok’ e ki michuwaen’raed. Min tawfe nagraed mi yaed me’eleg ni ngar laked wo’en Yesus Kristus.

Babyor ni yima achay e bitir nge nge ya’an e gum’ircha’ey

© 2024 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Translation of Monthly Friend Message, July 2024. Yapese. 19348 905