“Cov Tub Rog Hluas,” Phooj Ywg, Yim Hli Ntuj 2024, 26–27.
Zaj Lus hauv Phooj Ywg Txhua Hli, Yim Hli Ntuj 2024
Cov Tub Rog Hluas
Cov neeg uas Amoos thiab nws cov kwv tij qhia xav ua raws li Yexus Khetos hais. Lawv muab lawv cov cuab yeej ua rog faus thiab cog lus rau Vajtswv hais tias lawv yuav tsis ntaus rog ntxiv li lawm.
Tiam sis tsis ntev cov neeg no yuav tsum pov hwm lawv tej tsev neeg. Cov txiv tsev uas tau muab lawv tej cuab yeej ua rog faus tsis xav dhuav lawv cov lus cog tseg nrog Vajtswv. Ces lawv cov tub npaj kom sawv lawv cev ntaus rog. Lawv hu ua ob txhiab tug tub rog hluas. Lo lus stripling txhais hais tias “hluas.”
Cov tub rog hluas no yeej tsis tau ntaus rog dua ib zaug. Tiam sis lawv tej niam pab npaj lawv zoo thiab qhia lawv kom tso siab rau Vajtswv.
Lawv xaiv Hilamas ua lawv tus thawj coj. Lawv ua siab loj, thiab Vajtswv pab lawv. Lawv puav leej raug mob, tiam sis lawv ib leeg pab ib leeg. Vajtswv saib lawv txoj kev ntseeg rau nqi, thiab lawv puav leej muaj yeej!
Phab Ntawv Tha Xim
Cov Vaj Lug Kub Pab Tau Kuv Txhua Hnub
Daim duab los ntawm Adam Koford
Koj nyiam dab neeg twg hauv vaj lug kub zoo tshaj?
© 2024 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, August 2024. Hmong. 19290 295