Bahlabani ba Bacha

Batho ba epela libetsa tsa bona ka mokoting

Batho bao Ammone le baena ba hae ba neng ba ba ruta ba ne ba batla ho latela Jesu Kreste. Ba ile ba epela libetsa tsa bona ′me ba ts′episa Molimo hore ba ke ke ba hlotse ba loana.

Sehlopha sa bahlankana se atamela ntlo eo ho eona batho ba baholo ba ntseng ba qoqa.

Empa kapele ba ne ba lokela ho sireletsa malapa a bona. Bo-ntate ba neng ba epetse libetsa tsa bona ba ne ba sa batle ho roba ts′episo ea bona le Molimo. Kahoo bara ba bona ba ile ba itokisetsa ho loana sebakeng sa bona. Ba ne ba bitsoa bahlabani ba bacha ba likete tse peli. Mocha ho bolela “e monyenyane.”

Mohlankana o rapela le ′m′e oa hae ha bahlankana ba bang ba phuthehile ka libetsa

Bahlabani ba bacha ba ne ba e-s′o ka ba loana ntoeng pele. Empa bo-mme ba bona ba ile ba ba thusa ho ba lokisetsa ′me ba ba ruta ho ts′epa Molimo.

Helamene a eteletse pele bacha ba bahlabani mohoantong; mohlankana o thusa mohlankana e mong ea lemetseng ho tsamaea.

Ba khethile Helamene ho ba moetapele oa bona. Ba ne ba le sebete, ′me Molimo o ile a ba thusa. Kaofela ba ne ba utloile bohloko, empa ba thusana. Molimo o ile a hlompha tumelo ea bona, ′me kaofela ba ile ba phela!

Leqephe la ho taka la lits´oant´so tsa Buka ea Mormone tse tsoang maqepheng a buka e butsoeng

© 2024 by Intellectual Reserve, Inc. All rights reserved. E hatisitsoe USA. Tumello ea Senyesemane: 6/19. Tumello ea Phetolelo: 6/19. Phetholelo ea Monthly Friend Message, August 2024. South Sotho. 19290 739