“Jisōs Ekar Kōjeraam̧m̧an Juon illo̧k Juon,” Jera, Oktoba 2024, 26–27.
Ennaan eo an Jera Kajjojo Allōn̄, Oktoba 2024
Jisōs Ekar Kōjeraam̧m̧an Juon illo̧k Juon
Kōmeļeļe ko jān Andrew Bosley
Rikanaan ro raar katakin Rinipai ro kōn kakōļļe ko kōn mej eo an Jisōs Kraist. Ke E ekar mej, ekar wōr maroklep ilo āne eo ium̧win jilu raan ko. Tokālik, armej ro rekar ron̄ ainikien Jemādwōj Ilan̄ an kōnono jān lan̄.
Jemādwōj Ilan̄ ekar ba, “Lo in Nejū Jitōnbōro” (3 Nipaii 11:7). Jisōs ekar waļokļo̧k n̄an riNipai ro. E ekar jerkakpeje! E ekar katakin riNipai ro elōn̄ men ko. E ekar jiron̄ er n̄an ukweļo̧k im ļoor E.
E ekar kajjitōk ippān armej ro n̄an bōktok ro im raar nan̄inmej n̄an E n̄an kar kemour. Ekar kōjeraam̧m̧an er.
E ekar barāinwōt kōjeraam̧m̧an ajri ro juon illo̧k juon. Enjeļ ro raar jepooļ ajri ro.
Peij in Kōļar eo
Rilo̧mo̧o̧r eo ej Iakwe Kajjojo Ajri ro Nejin Jemādwōj Ilan̄
Kōmeļeļe jān Adam Koford
Ekōjkan am̧ en̄jake iakwe eo an Rilo̧mo̧o̧r eo?
© 2024 jān Intellectual Reserve, Inc. All rights reserved. Buriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly Friend Message, October 2024. Marshallese. 19291 874