“Nefi Amoni Mwana Yesu,” Moninga, Sanza ya Zomi na mibale 2024, 26–27.
Etinda ya sanza ya Moninga , Sanza ya Zomi na mibale 2024
Nefi Amoni Mwana Yesu
Bililingi na Andrew Bosley
Tata ya Nefi, Lehi, amonaki limoni ya Yesu Klisto. Nefi mpe alingaki komona limoni oyo. Abondelaki mpe asengaki mpo na komona oyo tata na ye amonaki.
Molimo Mosantu alakisaki Nefi limoni yango. Nefi amonaki elenge mwasi moko na kombo ya Malia. Molimo Mosantu alobaki akozala mama ya Mwana ya Nzambe, Yesu Klisto.
Nefi amonaki mwana Yesu elongo na Malia. Molimo Mosantu alobaki ete Yesu asengelaki koya na mokili mpo na kosunga bana ya Tata na Lola.
Nefi amonaki bomoi ya Yesu Klisto. Amonaki Ye kosalisaka mpe koteyaka bato. Nefi ayekolaki makambo mingi etali Mobikisi. Bokoki mpe koyekola etali Ye na kotangaka makomi.
Kopakola Langi na Lokasa
Noele ezali mpo na Yesu
Elilingi na Adam Koford
“Pamba te mwana mobali moko abotami mpo na biso, mwana mobali moko apesameli biso” (Ezayi 9:6).
© 2024 by Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly Friend Message, December 2024. Lingala. 19350 639