“Nihpai Kilangki Mese Seri Pwelel Sises,” Kempoakepah, Tihsempe 2024, 26–27.
Padahk en ehu ehu sounpwong Kempoakepah Padahk en, Tihsempe 2024
Nihpai Kilangki Mese Seri Pwelel Sises
Mahlen sang Andrew Bosley
En Nihpai pahpa, Lehi, kilangada duen Sises Krais nan eh ouraman. Nihpai pil men iang kilang nan eh ouraman. E kapakapki oh peki pwehn kak kilang dahme eh pahpahu kilangehr.
Ngehn Sarawaio kasalehiong Nihpai duen ouramanohte. Nihpai kilangada serepein pwulopwul me adaniki Mary. Ngehn Sarawio masanih me e pahn wiahla Nohnohn sapwellimen Koht Seri, Sises Krais.
Nihpai kilangada seri pwelel Sises mihmi rehn Mary. Ngehn Sarawio masanih me Sises pahn ketdo pohn sampah pwehn sewese nein Samatail nanleng seri kan.
Nihpai kilang en Sises Krais mour. E kilang Ih ah wie papah oh padpadahkih aramas kan. Nihpai esehla soahng tohto me pid duwen Sounkomouro. Ke pil kak esehla duwen Ih sang ni wadwadek pwuhk sarawi kan.
Daropwehn Koalor
Krismas iei duwen Sises.
Mahlen sang Adam Koford
“Kisin seri kis ipwidiongkitailehr, neitail pwutak emen kohiengkitailehr” (Aiseia 9:6).
© 2024 sang Intellectual Reserve, Inc. Kolokol pwuhng koaros. Intingda nan Wehin Amerika. Kamanaman ong ni Lokaiahn Inglis: 6/19. Kamanaman ong kawehwe: 6/19. Kawehwe pen Padahk en ehu ehu Sounpwong nan Friend, Tihsempe 2023.Pohnpeian.19006 885