Parau poro’i tā’āva’e nō te Hoa – Tītema 2024

’Ua ’ite Nephi i te ’aiū Iesu

Fa’ahōho’ara’a nā Andrew Bosley

’Ua ’ite te metua tāne o Nephi, ’o Lehi, i te hō’ē ’ōrama nō Iesu Mesia. ’Ua hina’aro ’o Nephi e ’ite ato’a i teie ’ōrama. ’Ua pure ’oia ’e ’ua ani ’ia ’ite i te mea tā tōna metua tāne i ’ite.

’Ua fa’a’ite te Vārua Maita’i ia Nephi i taua ’ōrama ra. ’Ua ’ite Nephi i te hō’ē tamāhine ’āpī ’o Maria te i’oa. ’Ua parau te Vārua Maita’i e riro ’oia ’ei metua vahine nō te Tamaiti a te Atua, ’o Iesu Mesia.

’Ua ’ite Nephi i te ’aiū Iesu ’e ’o Maria. ’Ua parau te Vārua Maita’i ē e haere mai Iesu i te fenua nei nō te tauturu i te mau tamari’i a te Metua i te ao ra.

’Ua ’ite Nephi i te orara’a o Iesu Mesia. ’Ua ’ite ’oia iāna i te tāvinira’a ’e te ha’api’ira’a i te ta’ata. ’Ua ha’api’i mai Nephi e rave rahi mea nō ni’a i te Fa’aora. E nehenehe ato’a ’outou e ha’api’i mai nō ni’a iāna nā roto i te tai’ora’a i te mau pāpa’ira’a mo’a.

E nehenehe ’outou e tai’o i teie ’ā’amu i roto te 1 Nephi 11.

ʼApi fa’a’ūraʼa

Te Noela, ’o Iesu

Fa’ahōho’ara’a nā Adam Koford

« ’Ua fānau mai ho’i te hō’ē tama nā tātou, ’ua hōro’ahia mai te hō’ē tamaiti nā tātou » (Isaia 9:6).

© 2024 nā Intellectual Reserve, Inc. Fatura’a pāruruhia. Nene’ihia i te fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, December 2024. Tahitian. 19350 895