Ɔfiɔŋ-ke-ɔfiɔŋ Etop eke Ufan, Ɔfiɔŋ January 2025

Akpa Ŋkukut

Afo emekeme edikot mbuk emi ke Joseph Smith—History 1:1–20.

Ini emi Joseph Smith ekedide ekpri-owo, ediwak ufɔk Abasi ekekpep nsio-nsio ŋkpɔ ebaŋa Jesus Christ. Joseph ikidiɔŋɔke ewe ufɔk Abasi okpodukde.

Usen kiet, enye edikot James 1:5 ke Bible. Itie-ŋwed oro ɔdɔhɔ ete edieke nnyin iyomde ifiɔk, nnyin imikeme ndibup Abasi. Joseph ama ebiere ndinam oro.

Ke ediye usen ini-nsehe-eto kiet, Joseph ama oduk aka ikɔt-eto ndibɔŋ-akam nnɔ Ete ke Enyɔŋ.

Joseph ɔtɔŋɔ-edɔŋ onyuŋ ɔtɔŋɔ edibɔŋ-akam. Edi ekem enye edikop nte ekim akanare enye ofuri-ofuri okuk. Joseph ama okop ndik. Enye obup Abasi oyom uŋwam.

Ke idaha kiet, Joseph okut ediyama uŋwana osuhɔre oto heaven edi. Enye okut Ete ke Enyɔŋ ye Jesus Christ nte edade ke ofum. Ete ke Enyɔŋ okot enyiŋ Joseph. Ekem edinyan-ubɔk owut Jesus Christ ndien ete, “Emi edi Edima Eyen Mi. Kpaŋ-utɔŋ nnɔ Enye!”

Jesus ɔdɔhɔ Joseph ete enye okuduk ufɔk Abasi ndomokiet.

Joseph eyeŋwam edifiak-men uyɔhɔ ikɔ-Abasi ndi ke isɔŋ.

Joseph ikiduhe ke ndutime aba. Enye ɔkɔyɔhɔ ye idara! Enye ama ɔdiɔŋɔ ke Abasi ama imɔ. Ubak owo ikinimke ke enye ama okut Ete ke Enyɔŋ ye Jesus Christ, edi enye ama ɔdiɔŋɔ ke oro edi akpanikɔ.

Ikpa-ŋwed emi Edebide

Ete ke Enyɔŋ Esikop onyuŋ Ɔbɔrɔ Akam Mi

Edinam aŋwaŋa otode Corey Egbert

Ete ke Enyɔŋ ama ɔbɔrɔ akam eke Joseph Smith. Enye eyebɔrɔ akam mbufo ŋko!

© 2025 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Ufan, Ɔfiɔŋ January 2025. Efik. 19632 553