Bosoom bosoom Nyɛnko Amandzɛɛbɔ, Sanda 2025.

Enyido-adzehu a Odzi Kan

Ibotum akenkan asɛm yi wɔ Joseph Smith—Abakɔsɛm 1:1-20mu.

Mber a nna Joseph Smith yɛ kumabaa no, nna asɔrasɔr kyerɛkyerɛ ndzɛmba asorɔtow fa Jesus Christ ho. Nna Joseph nnyim asɔr a ɔnkɔdɔm.

Da kor bi, ɔkenkaan James 1:5 wɔ Bible mu. Ɔkãa dɛ sɛ yehia nyansa a, yebotum ebisa Nyankopɔn. Joseph sii n’adwen pi dɛ ɔbɛyɛ.

Fefɛw da fɛɛfɛw bi, Joseph kɔɔr ndua mu dɛ ɔrokɔbɔ mpaa ama Ɔsor Egya.

Joseph buu ntwɛr na ɔhyɛɛ ase dɛ ɔrobɔ mpaa Nkyii no ɔtsee nkã dɛ sum etwa noho nnyinara ehyia. Hũ kaa Joseph. Ɔserɛɛ Nyankopɔn no mboa.

Awerɛfir mu ara, Joseph hun kan hyɛɛn dɛ ofi sor reba. Ohun Ɔsor Egya na Jesus Christ a wogyina wimu. Ɔsor Egya bɔɔ Joseph ne dzin. Nkyii Ɔtseen ne nsa wɔ Jesus Christ do na Ɔsee dɛ, “Iyi nye Mo Dɔba. Tsie No!”

Jesus kãa kyerɛɛ Joseph dɛ mma ɔnndɔm asɔrasɔr no mu biara.

Joseph bɔboa ma wɔdze asɛmpa ne mãhyɛ no asan ananmu wɔ asaase do.

Joseph annyɛ basaa bio. Dɛwdzi hyɛɛ no mu mã! Ohun dɛ Nyankopɔn dɔ no. Nkorɔfo binom anngye enndzi dɛ oehu Ɔsor Egya na Jesus Christ, mbom nna onyim dɛ ɔyɛ nokwar.

Krataafa a Wɔkekã mu

Ɔsor Egya Tsie na Oyi me Mpaabɔ Ano

Corey Egbert yɛɛ nsaano mfonyin no

Ɔsor Egya yii Joseph Smith ne mpaabɔ ano. Obobua wo so wo dze!

© 2025 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Friend Message, January 2025. ne nkyerɛasee Fante. 19632 502