Etinda ya sanza Moninga Sanza ya yambo 2025

Limoni ya Yambo

Bokoki kotanga lisolo oyo na Joseph Smith—History 1:1–20.

Ntango Joseph Smith azalaki elenge, ba eklezia mingi ezalaki koteya makambo ndenge na ndenge etali Yesu Klisto. Joseph ayebaki te eklezia nini asengelaki kosangana.

Mokolo moko, atangaki Yakobo 1:5 kati na Biblia. Elobaki soki tozali na mposa ya bwanya, tokoki kosenga Nzambe. Joseph azwaki ekateli ya kosala bongo.

Na ntongo moko kitoto ya eleko ya milona, Joseph akendaki na zamba kosambela Tata na Lola.

Joseph afukamaki mpe abandaki kosambela. Kasi na nsima amonaki molili ezipi ye. Joseph abangaki. Asengaki Nzambe asalisa ye.

Na mbalakaka, Joseph amonaki mwinda moko ya kongenga ezali kokita uta na lola. Amonaki Tata na Lola mpe Yesu Klisto batelemi na mopepe. Tata na Lola alobaki nkombo ya Joseph Smith. Nsima atalisaki Yesu Klisto mpe alobaki, “Oyo azali Mwana na Ngai ya Bolingo. Yokela Ye!”

Yesu alobaki na Joseph akende na eklezia ata moko te.

Joseph a kosunga na kozongisa bofuluki ya nsango malamu na mabele.

Joseph abulunganaki lisusu te. Atondisamaki na esengo! Ayebaki ete Nzambe alingaki ye. Bato mosusu bandimaki te ete amonaki Tata na Lola mpe Yesu Klisto, kasi ayebaki ete ezalaki solo.

Kopakola Langi na Lokasa

Tata na Lola Ayokaka mpe Ayanolaka Mabondeli na Ngai

Elilingi na Corey Egbert

Tata na Lola ayanolaki losambo ya Joseph Smith. Akoyanola losambo na yo mpe.

© 2025 by Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Etinda ya sanza Moninga, Sanza ya yambo 2025.. Lingala. 19632 639