Molaetsa oa Khoeli le Khoeli Motsoalle Pherekhong 2025

Pono ea Pele

U ka bala pale ena ho Joseph Smith—Nalane 1:1–20.

Ha Joseph Smith a le monyenyane, likereke tse ngata li ne li ruta lintho tse fapaneng ka Jesu Kreste. Joseph o ne a sa tsebe hore na ke kereke e feng ea ka e kenang.

Ka letsatsi le leng, o ile a bala Jakobo 1:5 ka Bibeleng. E ne e re haeba re hloka bohlale, re ka botsa Molimo. Joseph o ile a nka qeto ea ho etsa joalo.

Hoseng ho hotle ha letsatsi la selemo, Joseph o ile a ea morung ho ea rapela Ntate ea Maholimong.

Joseph o ile a khumama ´me a qala ho rapela. Empa eaba o utloa lefifi hohle ho mo potapota. Joseph o ne a ts´ohile. O ile a kopa Molimo bakeng sa thuso.

Hanghang, Joseph o ile a bona leseli le khanyang le tla tlase ho tsoa leholimong. O ile a bona Ntate ea Maholimong le Jesu Kreste ba eme moeeng. Ntate ea Maholimong o ile a bitsa lebitso la Joseph. Joale eaba O supa ho Jesu Kreste ´me a re “Enoa ke Mora oaka ea Ratoang. Mo utloe!”

Jesu o ile a bolella Joseph hore a se ke a kena efe kapa efe ea likereke tseo.

Joseph o tla thusa ho tsosolosa botlalo ba evangeli lefats´eng

Joseph o ne a se a sa ferekana. O ne a tletse ka nyakallo! O ne a tseba hore Molimo o ea mo rata. Batho ba bang ha ba ka ba lumela hore o bone Ntate ea Maholimong le Jesu Kreste, empa e ne e le ´nete.

Leqephe la ho Taka

Ntate ea Maholimong o Utloa le ho Araba Lithapelo Tsa ka.

Lits´oants´o ka Corey Egbert

Ntate ea Maholimong o ile a araba thapelo ea Joseph Smith. O tla araba ea hau le uena!

© 2025 by Intellectual Reserve, Inc. All rights reserved. E hatisitsoe USA. Tumello ea Senyesemane: 6/19. Tumello ea Phetolelo: 6/19. Phetolelo ea Monthly Friend Message, January 2025. South Sotho. 19632 739