Ļain ioon Ļain

Likūt Pedped eo

Unin tōl eo an iiō in ej jipan̄ kom̧ lo jerbal eo ami ilo kalōk aelōn̄ in kiin̄ eo an Anij.

Katak im Bujen Ko 64:33–34

33 Kōn menin, jab mōk ilo kōm̧m̧an em̧m̧an, bwe kom̧ij likūt pedped in juon jerbal eļap. Im jān men ko reddik ej jebarļo̧k men eo eļap.

34 Lo, Irooj ej aikuj bōro eo im ļōmņak eo em̧ōņōņō; im ro rem̧ōņōņō im pokake renaaj m̧ōn̄ā men ko rem̧m̧an jān āneen Zaion ilo raan kein āliktata.

Kōm̧m̧an em̧m̧an

Kōm̧m̧ane men eo em̧m̧an me ej im̧we im ļujur ro jet n̄an kautiej im kōm̧m̧an em̧m̧an im men ko rem̧m̧an.

Pedped

M̧ōttan eo itulaļ in juon em̧, ej ineek eddo eo an m̧weo ej pād ioon.

Jerbal em̧m̧an

Jerbal eo ad eļap ej n̄an jipan̄ kalōk aelōn̄ in kiin̄ eo an Anij ioon laļ in, ekoba aintok Israel.¹

Jān men ko reddik

Aolep men dikdik ko kom̧ij kōm̧m̧ani ej jipan̄ kalōk juon men ekilep.

Bōro im ļōmņak em̧ōņōņō

Irooj ej aikuj kōj n̄an wujilepeļo̧k ikdeelel ko, ļōmņak ko, im en̄jake ko ad n̄an jerbal eo An.

M̧ōn̄ā men ko rem̧m̧an jān āneen eo

Jān Kallim̧ur M̧okta, meļeļe in buuļ ekkat (lale Aiseia 1:19).

Zaion

Zaion emaron̄ meļeļe in: armej ro an Irooj, juon jikin ijo armej ro an Irooj rej jokwe ie, ak ekōjkan an armej ro an Irooj mour (erreo ilo bōro, mour kōn kien selestial).

Lale Unin Tōl eo n̄an Jejej ko Rekwōjarjar, “Zaion,” scriptures.ChurchofJesusChrist.org; Gospel Topics, “Zion,” topics.ChurchofJesusChrist.org.

Kakeememej

1. Lale Russell M. Nelson, “Kōjatdikdik an Israel” (nokon eo n̄an aolepān laļ in n̄an jodikdik ro, Juun 3, 2018), HopeofIsrael.ChurchofJesusChrist.org.