“Usa ka Tubag alang ni Oliver,” Alang sa Kalig-on sa mga Kabatan-onan, Ene. 2021, 12–13.
Dali, Sunod Kanako
Usa ka Tubag alang ni Oliver
Si Oliver Cowdery miabut aron mopuyo sa panimalay nilang Joseph Sr. ug ni Lucy Mack Smith samtang nagtudlo siya sa eskwelahan duol sa ilang uma.
Nakadungog si Oliver mahitungod sa ilang anak nga si Joseph ug sa bulawang mga palid. Gusto niyang masayud pa og dugang.
Naikag kaayo si Oliver sa pagkat-on kon sa unsang paagi ang Dios mihatag ni Joseph sa gahum sa paghubad sa bulawang mga palid.
Gusto kong motabang sa paghubad.
Sa higayon nga ang tingklase mahuman, moadto ko ug motabang ni Joseph.
Kinahanglan nga mag-ampo ka ug mangutana sa Ginoo kon husto ba kana alang nimo.
Nianang gabhiona si Oliver nag-ampo ug nangutana sa Ginoo unsay iyang buhaton.
Si Oliver mibati og kalinaw sa dihang nag-ampo siya mahitungod sa pagtabang ni Joseph sa paghubad.
Sa wala madugay si Oliver miadto aron makigkita ni Joseph Smith. Mibiyahe siya uban sa igsoon ni Joseph nga si Samuel.
Joseph, ania ko aron sa pagtabang. Ako mahimong nimong tigsulat.
Salamat. Mapasalamaton ko sa imong tabang.
Si Joseph ug Oliver nagsugod sa paghubad. Kini ang kasinatian nga nakalipay ni Oliver, apan aduna pa gihapon siyay mga pangutana.
Usa ka adlaw, si Joseph nakadawat og pagpadayag alang kang Oliver nga nagpahinumdom kaniya sa tubag sa iyang pag-ampo.
“Sa pagkatinuod, sa pagkatinuod, Ako moingon nganha kanimo, kon ikaw nagtinguha og dugang nga kamatuoran, hinumdumi ang gabii nga ikaw misangpit ngari kanako diha sa imong kasingkasing, nga ikaw unta mahibalo mahitungod sa kamatuoran niini nga mga butang.
“Wala ba Ako magsulti og kalinaw nganha sa imong hunahuna mahitungod niini nga butang? Unsa ka labaw nga kamatuoran ang imong maangkon kay sa gikan sa Dios?”1
Nag-ampo ko aron masayud kon ako moanhi ug motabang kanimo, ug akong gibati ang kalinaw. Walay nasayud niini gawas sa Dios.
Si Oliver siguradong nasayud nga ang buhat tinuod. Siya ug si Joseph mitapos sa paghubad sa nahimong Basahon ni Mormon.