Na iSaunitaro nei Oliva,” Me iSakisaki ni iTabagone, Janu. 2021, 12–13.
Lako Mai, Mo Muri Au
Na iSaunitaro nei Oliva
A lako mai o Oliva Kaudari me mai tiko vata kei Josefa Levu kei Lusi Meki Simici ni veivakavulici tiko ena koronivuli volekata nodratou vanua ni teitei.
A rogoca sara o Oliva me baleta na luvedrau tagane o Josefa kei na peleti koula. A vinakata sara me kila e levu tale na ka.
A qoroya o Oliva na nona vulica na sala a solia kina na Kalou vei Josefa na kaukauwa me vakadewataka na peleti koula.
Au vinakata meu veivuke ena vakavakadewa.
Ni sa oti na gauna ni vuli, au na lako ka vukei Josefa.
E dodonu mo masu ka taroga vua na Turaga kevaka e sa dodonu vei iko.
A masu o Oliva ena bogi o ya ka taroga vua na Turaga na ka me cakava o koya.
A vakila o Oliva na vakacegu ena nona masu me baleta na nona vukei Josefa ena vakavakadewa.
Sega ni dede sa lako yani o Oliva me sotavi Josefa Simici. A lako vata kei na taci Josefa o Samuela.
Josefa, au sa lako mai meu mai veivuke. Au rawa ni nomu liganivolavola.
Vinaka vakalevu. Au vakavinavinakataka na nomu veivuke.
Rau sa tekivu vakavakadewa sara o Josefa kei Oliva. Na ka sotavi oqo a marautaka o Oliva, ia e se tu ga na nona lomatarotaro.
Ena dua na siga, a ciqoma o Josefa e dua na ivakatakila me baleti Oliva ka vakananuma vua na isau ni nona masu.
“E dina, e dina, au sa kaya vei iko, kevaka ko sa gadreva e dua tale na ivakadinadina, mo nanuma lesu ga na bogi ko a tagi mai kina vei au ena yalomu, mo kila kina na dina ni veika oqo.
“Au a sega li ni vakaceguya na nomu vakasama me baleta na ka oqo? Ai vakadinadina uasivi cava tale ko rawa ni taukena me vakatauvatani kei na kena mai vua na Kalou?”1
Au masulaka meu kila kevaka meu lako mai ka vukei iko, kau vakila na vakacegu. E sega ni rawa ni dua tale e kila na ka oqo vakavo ga na Kalou.
A kila deivaki o Oliva ni dina ni cakacaka oqo. Erau a vakacavara kei Josefa na vakavakadewa ka sa yaco me iVola i Momani.