Itok, Ļoor Eō

Josep Smith—Aō Rikanaan

Jān David A. Edwards

Māākijiin ko an Kabun̄ in

E ej barāinwōt am̧ rikanaan. Komaron̄ ekkatak katak ko an iiō in n̄an an ļapļo̧k ami watōke rikanaan.

Juon men Būreejtōn Russell M. Nelson ekar ba ilo Eprōl 2020 kweilo̧k eo eļap ekar kajoor kilaan ippa: “Jekdo̧o̧n ia eo kwoj jokwe ie ak jekjek ta ko kwoj pād ie, Irooj Jisōs Kraist ej ami Rilo̧mo̧o̧r, im rikanaan eo an Anij, Josep Smith, ej ami rikanaan” (“Ron̄jake E” [Ensign ak Liaona, Māe 2020, 88]).

Jān ke ikar dik, ej en̄in ekōjkan aō kar en̄jake—Josep Smith ej aō rikanaan. Eļapļo̧k jān jabdewōt, rikanaan in an Jepļaaktok eo ekar jipan̄ eō itok n̄an jeļā Jisōs Kraist im gospel eo An. Ikar ekaktak kōn revelesōn ko ilo Katak im Bujen Ko. Im ke ikar jodikdik, jema ekar letok n̄an eō juon bok in kōn katak ko an Rikanaan Josep Smith, im em̧ōkaj aō kar itok limoū kake. Ekkatak katak ko ekar erom juon m̧ōņōkjān ekilep an naan in kam̧ool eo aō kōn gospel eo kar kōjepļaaktok.

Kar katakin eō jān tōre eo: kar ta eo kōn katak ko an Josep Smith me ekar kōm̧m̧ane juon im̧we ilo n̄a? Ta eo ekar kōtļo̧k an kajoor an Jetōb eo kam̧ool n̄an eō kōn m̧ool eo aer? Ij ba ekar jilu men ko: (1) ekar jeļā ta eo ekar jeļā, im ekar ba ilo peran; (2) ekar wōr juon wāween an kōmeļeļeik ilo alikkar m̧ool ko ekar ekkatak kōn revelesōn; im (3) paotokin im m̧wilin ekar iien otemjej toojļo̧k.

Ekar Jeļā Ta eo Ekar Jeļā, im Ekar Kwaļo̧ke ilo Peran

Jān kar Visōn eo Kein Kajuon, Josep Smith ekar ioon kakkure kōn an kwaļo̧k ta eo ekar ekkatak kōn revelesōn. Bōtaab ekar jeļā ekar jab maron̄ kōm̧tālik jān e: “Etke matōrtōre eō kōn ekkōnono m̧ool eo? Iaar lukkuun lo juon visōn; im wōn n̄a bwe in maron̄ jutak ņae Anij, ak etke laļ ej ļōmņak in kōm̧m̧an bwe in kariabe ta eo iaar lukkuun loe? Bwe iaar lo juon visōn; ikar jeļā, im iaar jeļā bwe Anij ekar jeļā, im iban kar maron̄ kariab e, im jab maron̄ kajjion̄ in kōm̧m̧ane” (Josep Smith—Bwebwenato 1:25).

Men̄e ekar jeļā bwe enaaj kar kan̄ōltok eļapļo̧k matōrtōr im dike jān kōm̧m̧an āindein, Josep Smith ekar peran ilo kean̄ kōn m̧ool ko ekar ekkatak jān Anij ilo aolepān mour eo an.

Waanjon̄ak:

Men̄e elōn̄ wōt armej ro ilo laļ eo an Rikirijin raar tōmak bwe armej ekar kōm̧anm̧an jān Anij jān ejjeļo̧k, Josep Smith ilo lōke kar katakin e juon men eoktak:

“Armej eaar barāinwōt pād ilo jinoin ippān Anij. Jeļāļo̧kjeņ, ak meram in m̧ool, kar jab ejaake ak kōm̧anm̧ane, barāinwōt em̧ool ej jab maron̄” (Katak im Bujen Ko 93:29).

“Jetōb eo—kōļmenļo̧kjeņ eo an armej—jetōb jab wabanban eo. Ia eo rekar itok jān e? Aolep armej ro im ro raar bōk aolep degree in katakin ko rej ba bwe Anij ekar kōm̧anm̧ane ilo jinoin; bōtaab ekar jab āindein: ejja ļōmņak eo wōt ekadikļo̧k an armej jeļā ilo arromeļo̧k eo aō. Ijjab tōmak katak eo; eļapļo̧k aō jeļā. Ron̄jake, aolep kom̧ jem̧lo̧k ko an laļ; bwe Anij ekar jiron̄ eō āindein; im eļan̄n̄e kom̧ij jab tōmak eō, ejjamin naaj kōm̧m̧an bwe m̧ool eo en ejjeļo̧k kilaan” (Teachings of Presidents of the Church: Joseph Smith [2007], 209).

Ekar kōmeļeļeik M̧ool ko ilo Alikkar

Jet iien Josep Smith ekar kwaļo̧k bwe ekar ļapļo̧k an jeļā kōn ittiņo̧ ko an Anij eļapļo̧k jān an maron̄ kwaļo̧k ippān laļ in. Bōtaab ke ekar katakin, ewōr juon wāween an kōm̧m̧an bwe m̧ool kko an Anij rej alikkar im ļam waan.

Waanjon̄ak:

Jān Visōn eo Kein Kajuon m̧aantak, Josep Smith ekar ekkatak elōn̄ m̧ool ko kōn lukkuun piktok in Anij Jemān Indeeo. Im ilo katak ko an ekar kōmeļeļeik ļap eo an m̧ool kein. N̄an waanjon̄ak, ekar ba:

“Eļan̄n̄e armej ro rejjab meļeļe paotok in Anij, rejjab meļeļe kōn er make” (Teachings: Joseph Smith, 40). Ej juon ennaan ealikkar me ej juon ļōmņak eaorōk kōn wōn eo Anij, wōn kōj, ta kadkad eo ad n̄an E, im ta kōjatdikdik eo ad,

Ekar barāinwōt kapenļo̧k kōn ennaan in: “Anij E Make ekar juon iien āinwōt kōj kiiō, im ej juon armej eutiej tata” (Teachings: Joseph Smith, 40). Aaet ealikkarļo̧k.

Innām ekar katakin menin: “Anij e make, kar lo an pād ibwilijin jetōb ko im aiboojoj, kōnke ekar ļapļo̧k an māletlet, kar lo ejetjet n̄an kwaļo̧k kien ko me aolep remaron̄ kar wōr juon aer iien em̧m̧an n̄an eddōkļo̧k āinwōt e make” (Teachings: Joseph Smith, 210). Josep Smith ekar kwaļo̧k juon men ijin me eaorōk n̄an karōk eo an Jemadwōj Ilan̄: Jemādwōj Ilan̄ ekōņan bwe jen eromļo̧k āinwōt E.

Paotokin im M̧wilin ekar Toojļo̧k

Wāween eo Josep Smith ekar kwaļo̧k e make ej letok n̄an kōj juon ļōmņak kōn wōn kar e im ta eo ekar kōņaan āinwōt juon armej barāinwōt āinwōt juon rikanaan. Menin eaorōk, kōnke ej kobaik armej ilo juon wāween ekōm̧m̧an an pidodoļo̧k kobaiki ippān ļōmņak ko. Paotokin Josep etoojļo̧k ilo katak ko an.

Waanjon̄ak:

Men̄e ekar ekkā an Josep Smith kar m̧ōņōņō jān e make (lale Josep Smith—Bwebwenato 1:28), n̄e ej itok n̄an ta eo Irooj ekar kakiene, ekar jab eppejo̧rjor ilo kōm̧m̧ane. Ekar ekkatak jān en̄jake ta tōprak eo jān etal jān kain kein rōt in emaron̄ in (lale, n̄an waanjon̄ak, Katak im Bujen Ko 3:4–9). Ij lo koba in an juon paotok ejouj im ļōmņak edik an rikaļoor ekaitoktok limo—im n̄a make, imaron̄ kile jekjek ko.

Kiiō, āinwōt juon rikanaan an Jepļaaktok eo, kar kakien Josep Smith n̄an katakin m̧ool ko kar kwaļo̧ki an Anij, elōn̄ wōt iaer raar kāāl n̄an aolep. Josep ekar kajjieon̄ jipan̄ armej ro ekkatak m̧ool kein rekāāl. Bōtaab jet iien ekar kainepatata. Ekar bar juon iien:

“Ekar kanooj in pen n̄an kwaļo̧k jabdewōt n̄an ro jeban epepen in. Ekar āinwōt jōk kūrūbbo̧k in hemlock ko kōn juon corn-dodger [juon m̧ōttan corn break] n̄an kein juon weej, im juon ban̄ke n̄an juon beetōl [juon am̧a aļaļ]. Em̧ool Armej ro Rekwojarjar erum̧ij aer meļeļe” (Teachings: Joseph Smith, 540).

Menin ekar juon unin kōnono eaorōk n̄an Josep Smith. Emaron̄ in kar kanooj lōn̄ men me ekar kōņaan bwe armej ren jeļā im meļeļe im kaorōki im mour kaki—im raar jab maron̄ in. Bōtaab juon waanjon̄ak eļam waan jān jon̄oulruwatimjuon-jānjeri U.S. pijaik juon men ilo juon jekjek emakeļo̧k im ej letok n̄an kōj juon meļeļe edik kōn paotok in Josep Smith.

Ebar lōn̄ jekjek ko jet kōn bōnjen Josep Smith me etoojļo̧k ilo katak ko an. N̄an waanjon̄ak, an iakwe n̄an ro m̧ōttan: “Būruō enaaj iakwe ro, im pā ko peiū renaaj jerbal aittok n̄an ro, me rej iakwe im jerbal aittok n̄an eō, im naaj tiljek n̄an ro m̧ōtta” (Teachings: Joseph Smith, 462).

Ak an jouj im tenkwadik: N̄e armej ro raar ba ewi jon̄an aer kar en̄jake būrom̧ōj kōn juon armej eo me m̧weo im̧ōn ekar bwil, ekar m̧ōkaj an Josep ba, “Ij en̄jake būrom̧ōj kōn in jeiū ak jatū n̄an jon̄an aorōk eo an an ļalem taļa; ewi jon̄an ami aolep en̄jake būrom̧ōj?” (Teachings: Joseph Smith, 460).

Innām iakwe eo an n̄an baam̧le, m̧ool, ettā, lōke, jim̧we im jetjet, tōmak ibwilijin mālijjon̄ ko im en̄taan. Rej aolep pād ijo, kar kwaļo̧k ippān m̧ool ko indeeo im pedped in katak ko n̄an mour kaki.

E Ej Aō Rikanaan

Aaet, Josep Smith ejjan̄in bōjrak kōnanaiki im kōrraate rainin. Ak āinwōt aō kar ba, “Ijjan̄in kar jiron̄ kom̧ ikar weppāān; bōtaab ejjeļo̧k bōd ilo revelesōn ko me ikar katakin” (Teachings: Joseph Smith, 522). Jemaron̄ kwaļo̧k kam̧ool juon kam̧ool ekijin̄en̄e kōn m̧ool eo bwe e ekar juon rikanaan. Ikar lo bwe epidodo n̄an kam̧ool kōn Josep Smith—ejjab kōnke ewōr juon uwaak epidodo n̄an aolep kajjitōk ko armej remaron̄ kajjitōk kōn e bōtaab kōnke ikar ekkatak kōn revelesōn ko an im katak in kanaan ko im kar en̄jake an Jetōb Kwojarjar kam̧ool bwe rej m̧ool. Ej āinwōt Josep make ekar bar juon iien:

“Imaron̄ nemake pedped in katak ko an mour indeeo, im kom̧ maron̄ barāinwōt. Kar litoki n̄an eō kōn revelesōn ko an Jisōs Kraist; im ijeļā bwe n̄e ij jiron̄ kom̧ naan kein an mour indeeo āinwōt aer kar litok n̄an eō, kom̧ij nemaki, im ijeļā bwe kom̧ij in tōmaki. Kom̧ij ba ani etōn̄al, im āindein ij bar ba. Imaron̄ barāinwōt nemake jetōb eo an mour indeeo. Ijeļā bwe ej em̧m̧an, im n̄e ij jiron̄ kom̧ kōn men kein me kar litok n̄an eō kōn im̧we eo an Jetōb Kwojarjar, kom̧ij maron̄ būki āinwōt em̧m̧an, im lan̄lōn̄ eļapļo̧k im ļapļo̧k” (Teachings: Joseph Smith, 525).

Ikar nemak tōn̄al jab eo. Kar kwaļo̧k ippa jān aō rikanaan, Josep Smith. Im āinwōt an Būreejtōn Nelson kar ba, e ej ami rikanaan barāinwōt. Kom̧ maron̄ kōm̧m̧ane juon kōro̧ro in ekkatak kōn mour eo an im katak ko ilo iiō in ippān Itok, Ļoor Eō. Innām kom̧ maron̄ kwaļo̧k kam̧ool kōn tōn̄al eo an m̧ool ko ekar jipan̄ kom̧ nemaki.