Taro kei na Kena iSau

“O ira kece na noqu itokani era dau qitotaka na vidio ni yabaki tinivakacaca, ia au digitaka meu kakua. E donu na qito ni yabaki tinivakacaca ?”

“E dina sara ni vinaka na saravi ni so na veivakamarautaki yaga se na kedra rawati eso na itukutuku vakavure vakasama. Ia e sega sara ni dua vei ira na ka oqori e tautauvata na kena yaga kei na gauna ni noda bula eda vakayagataka tiko kina. Eso na ka era vinaka cake ka so tale era vinaka sara.

Peresitedi Dallin H. Oaks, iMatai ni Daunivakasala ena Mataveiliutaki Taumada, Okot. 2007. koniferedi raraba (Ensign se Liaona, Nove. 2007, 105).

iTagede ni Vuravura

“Au digitaka talega me‘u kakua ni qitotaka na qito ni yabaki tinivakacaca. E so vei ira e rawa ni lasa, ia o sega ni kila na ka e rawa ni yaco. Au dau qitotaka na qito lasa kei na noqu matavuvale, kau logavinaka cake niu sega ni qitotaka na qito ni yabaki tini vakacaca. Na ivakatagedegede ni vuravura nikua e sa sega ni tautauvata kei na ivakatagedegede ni Kalou, kau vinakata meu vakataki Koya. ”

Payton D., yabaki 13, e Nevada, Amerika

Vakarorogo ki na Yalotabu.

“E tu beka ena qito vidio eso na ka veivakacacani se sega ni vakarokoroko? E dodonu me da tovolea me da levea na veika oqo, baleta ni kauta tani na Yalo. Na ivalavala kaukauwa talega e rawa ni vakasava laivi na Yalo. Mo vakasamataka matua ka masulaka mo vakila na Yalotabu ena nomu bula ena gauna o vakatagitaka tiko kina vakawasoma na qito oqo. ”

Miriana B., yabaki 18, Washington, Amerika

Matataki Jisu Karisito

“Sa ka bibi me da nanuma tiko ni da sa taura vei ciqoma na yaca i Jisu Karisito, ka da sa matataki koya. Ena veika kece eda cakava, e dodonu me da tarogi keda kevaka eda sa cakacaka tiko me vakataki Koya ka kevaka eda sa kauti keda tiko vakavoleka vua. ”

Brandon K., yabaki 17, Ohio, Amerika

Vinaka, Vinaka cake, Vinaka duadua

“E dodonu meda nanuma tiko ni tiko na veika vinaka, vinaka cake, ka vinaka duadua eda rawa ni sarava, cakava, ka vakarorogo kina. Kevaka sara mada ga e ca na veika eda rawa ni cakava, ena rairai tu talega e levu cake na veika e taucoko ka veilaveti e rawa ni da cakava. ”

Dravusa H., yabaki 17, Virginia, Amerika

Ena Vakacava na Nona Nanuma na iVakabula?

“Ni digitaki na veivakamarautaki, au dau tarogi au kevaka ena lomavinaka na iVakabula ni sarasara se qito vata kei au Kevaka e kena isau na sega, au na sega ni vakayagataka na veivakamarautaki o ya, se cava ga na kena ivakatagedegede. E vuqa na qito vinaka e rawa ni lasa ka veibolei ka rawa ni sureta tikoga na Yalo me tiko vata kei keda. ”

Brigitte D., California, Amerika

Na vei isau ni taro e nakiti me veivuke ka vagolea na noda rai, e sega ni kakaburaki vakaivola ni ivunau ni Lotu.

Na Cava Nomu Nanuma?

Au sa yabaki 16, o ira kece era tu wavoliti au era sa vakaitau, o au se sega. Au vakila ni vaka meu sega ni wili. Na cava meu na cakava?

Vakauta mai na nomu isaunitaro kei na itaba ni bera na ika 31 ni Okotova, 2021.

Lako ki na ftsoy. ChurchofJesusChrist.org, kilikitaka na “Submit Your Work.” Curu ena nomu Akaude ni Lotu ka digitaka na “For the Strength of the Youth” ena ruku ni “Choose Magazine.” Kiliki ena “Add File” mo digitaka na nomu faile kei na itaba, ka qai kilikitaka na “Submit” mo vakavodoka ka vakauta mai na nomu faile. Se vakauta e dua na imeli vei [e-mail].