“Era tukuna vei au na tamata ni ka viavialevu me da tukuna ni o keda duadua ga na Lotu dina. Na cava meu tukuna vei ira?” Me iSakisaki ni iTabagone Janu. 2021, 31.
Ki utona
Era tukuna vei au na tamata ni ka viavialevu meda tukuna ni o keda duadua ga na Lotu dina. Na cava meu tukuna vei ira?
Na Turaga Vakaikoya a kaya vei Josefa Simici ni Lotu oqo sai koya na “Lotu dina ka bula duadua ga e vuravura taucoko, ka‘u sa vakadonuya koi Au, na Turaga, ka vosa tiko ki na Lotu raraba, ka sega ki na tamata yadua” (Vunau kei na Veiyalayalati 1:30).
Na itukutuku oqo e sega ni kena ibalebale ni da sa vinaka cake mai na dua tale Ia e kena ibalebale ni oqo na Lotu i Jisu Karisito. E liutaka o Koya, a vakalesuya mai, ka solia kina na Nona veivakadonui. Ena vuku ni ka oqo, e tiko eso na ka e rawa duadua ga me solia na Lotu oqo, me vaka na parofita kei na iapositolo, cakacaka vakalotu ni valetabu kei na Veiyalayalati, kei na iVola i Momani. Eda sa vakavinavinaka ena veika oqo, ka da gadreva me da wasea vei ira na tani mai na loloma dina — sega ni baleta ga ni da vinakata me da “dodonu” se “vakatubura na Lotu.”
Ena noda rawa ni vakadinadinataka ena yalodei kei na yalonuidei na Lotu, e sega ni dodonu meda viavialevu yani vei ira na tani se beca na nodra vakabauta. A kaya na parofita Josefa Simici, “Keimami sega ni kerea e dua na tamata me viritaka laivi e dua na ka vinaka e tu vua; eda kerei ira walega me ra lako mai ka mai rawata e levu tale na ka ”(Nodra iVakavuvuli na Peresitedi ni Lotu: Josefa Simici [2007], 155).