“Katak im Bujen Ko: Juon Kōmeļeļe Ekadu,” N̄an Kōkajoorļo̧k Jodikdik ro, Jān. 2021, 14–15.

Itok, Ļoor Eō

Katak im Bujen Ko: Juon Kōmeļeļe Ekadu

Jān Annelise Gardiner

Māākjin ko an Kabun̄ in

Ta in?

Katak im Bujen Ko ej juon kōro̧ro in revelesōn ko raan kein jān Anij kar būki eļap tata jān Rikanaan Josep Smith. Elōn̄ iaan revelesōn kein kar litok ilo uwaak n̄an kajjitōk ko me Josep im ro jet uwaan Kabun̄ in m̧oktata rekar kajjitōk ippān Anij.

Etke Katak im Bujen Ko raar kōm̧m̧an?

Ilo raan ko m̧oktata an Kabun̄ in, ekar wōr jejjo kape ko kar jeje kōn pā an revelesōn kein. Ilo 1831 eo, ritōl ro an Kabun̄ in raar jokāālet n̄an būrini im je revelesōn ko ilo juon Bok in Kien ko. Ilo juon kweilo̧k in ekōnono kōn Bok in Kien ko ilo Nobōm̧ba 1831 eo, Josep ekar bōk revelesōn eo me ej kiiō jekjōn 1, kadkadin Katak im Bujen Ko.

Juon Laajrak in Tōre:

1823 Revelesōn eo m̧oktata kar je: jekjōn 2.
1833 Bok in Kien ko ekar letok letak. Jejjo wōt kape ko raar pād wōt jān kar jodik eo an m̧ab ro ilo im̧ōn būrin eo. Ruo jodikdik ro, Mary Elizabeth im Caroline Amelia Rollins, raar kōjparok elōn̄ wōt alen ko raar maron̄ im kar ņooji jān rinana ro ilo juon meļaj in ko̧o̧n.
1835 būjin in bok kar būrini. Ekar wōr elōn̄ļo̧k revelesōn ko im oktak in taitōļ eo n̄an Katak im Bujen Ko.
1844 Kar būrini ālkin wōt mej eo an Josep Smith, edition in kar kobaiktok revelesōn ko, ekoba jekjōn 135.
1847 Brigham Young ekar bōk naan in kōmeļeļe ko kōn ekōjkan kōm̧akūt Armej ro Rekwojarjar n̄an irilik: jekjōn 136.
1876 Edition in ekar kobaiktok 26 jekjōn ko rekāāl im kar bok eo im̧aan tata n̄an ajije jekjōn ko n̄an eoon ko.
1890 Wilford Woodruff ej letok Naan in Kean̄ eo, eo ekar bōktok jem̧lo̧k eo an m̧are elōn̄ļo̧k ilo Kabun̄ in (lale Kean̄ Jān Kabun̄ in 1).
1918 Josep F. Smith ej kwaļo̧k visiōn eo an kōn laļ eo an jetōb: jekjōn 138
1921 Jān edition in maantak, Lectures on Faith eo ekar jako aer kobaiktok.
1978 Spencer W. Kimball ekar bōk revelesōn eo kōn priesthood me ekar erom Kean̄ Jān Kabun̄ in 2.
1981 Edition in ekar kōm̧m̧ane heading ko im kar kobaiktok cross-reference ko, ippānļo̧k jejjo revelesōn ko.
2013 Edition in kar bar kobaiktok meļeļe in bwebwenato ko rekāāl ilo heading ko.

Katak eo

Kōro̧ro eo im̧aan tata an revelesōn ko kar ņa etan Bok in Kein ko. Tokālik kōro̧ro ko kar ņa etaer Katak im Bujen Ko kōnke raar kobaiktok juon kōro̧ro in katak ko “kōn katak eo an kabun̄ in,” kar jeļā kake āinwōt “katak” eo ilo tukadu in (kiiō kar ņa etan Lectures on Faith). Jān edition eo ilo 1921 eo, Lectures on Faith ko ekar jako aer kobaiki, bōtaab taitōļ eo Katak im Bujen Ko reļakkar pād wōt.¹

Bujen ko

Bwe in bok eo ekar pād ie revelesōn ko kar būki jān Josep Smith. M̧ōttan in kar jeļā kake āinwōt “bujen ko im kein ko an Irooj” ak “bujen ko” ilo tukadu in. Armej ro Rekwojarjar m̧oktata raar kōjerbal “bujen ko” ak “kien ko” keidi n̄an revelesōn kein kar būki jān Rikanaan eo n̄an maron̄ jiron̄ er ejenolo̧k jān jeje ko jet an Josep Smith, kain kwaļo̧k kein reim̧we im ukook ko an kōn Baibōļ eo.²

Etke Katak im Bujen Ko rej aorōk rainin?

Katak im Bujen Ko epād ie revelesōn ko jān Jisōs Kraist n̄an armej ro An. Ej katakin kōj bwe Anij ejeļā kajied kōn etad, bwe E ej ron̄jake jar ko ad im ej uwaake kajjitōk ko ad, im bwe Anij ekab de kōnono wōt rainin. Ej barāinwōt katak katak ko raorōk kōn karōk in lo̧mo̧o̧r eo im ej letok n̄an kōj elōn̄ļo̧k kōļmenļo̧kjeņ ko kōn Pinmuur eo an Jisōs Kraist. Ej letok kaenōm̧m̧an eo kōn kwaļo̧k ekōjkan an Anij iakwe kōj im ekab de kūr kōj n̄an itok n̄an E jekdo̧o̧n n̄e jej kōm̧m̧ani bōd ko.