“Mloog thiab Ua Raws Li tus Tswv Hais,” For the Strength of Youth, Ib Hlis Ntuj 2021, 32.

Zaj Lus hauv For the Strength of Youth Txhua Hli, Ib Hlis Ntuj 2021

Mloog thiab Ua Raws Li tus Tswv Hais

Los ntawm Thawj Tswj Hwm Russell M. Nelson

Thawj Tswj Hwm ntawm Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg

Daim Duab

Russell M. Nelson

Los ntawm zaj lus hauv lub tuam rooj sab laj thaum lub Plaub Hlis Ntuj xyoo 2020.

Daim Duab

mloog, nyeem, hais lus ntawm lub sam thiaj

Tus uas kos duab yog Guev Design

Thawj lo lus nyob hauv phau Lus Qhuab Qhia thiab Kev Khi Lus yog mloog (saib Lus Qhuab Qhia thiab Kev Khi Lus 1:1). Lo lus no txhais hais tias yus mloog vim yus xav ua raws li nws hais. “Mloog Nws Hais” txhais tias yus mloog tej uas tus Cawm Seej hais ces yus ua raws li Nws tej lus ntuas. Nyob hauv cov lus no—“Mloog Nws Hais”—Vajtswv qhia tias peb yuav tsum ua li cas kom vam meej, muaj kev zoo siab thiab muaj kev xyiv fab hauv lub neej no. Peb yuav tsum mloog tus Tswv tej lus, thiab ua raws li tej yam uas Nws tau hais rau peb!

Peb yuav mus qhov twg kom thiaj mloog Nws hais?

Peb nrhiav hauv vaj lug kub los tau. Peb kuj yuav mloog Nws hais nyob hauv lub tuam tsev. Peb kuv yuav mloog Nws hais meej ntxiv thaum peb kawm txawj paub mloog tus Vaj Ntsuj Plig Dawb Huv tej lus ntxhi. Thiab, qhov kawg, peb yuav mloog Nws hais thaum peb ua raws li cov yaj saub, cov pom tau, thiab cov txais kev tshwm sim tej lus.

Yuav muaj li cas thaum nej txhob txwm mloog thiab ua raws li tej uas tus Cawm Seej tau hais thiab tej uas Nws hais tam sim no los ntawm Nws cov yaj saub? Kuv cog lus rau nej tias nej yuav txais hwj chim ntxiv kom paub ua li cas thaum raug ntxias, raug teeb meem, thiab muaj kev qaug zog. Kuv cog lus tias yuav muaj txuj ci tseem ceeb hauv nej tsev neeg kev sib raug zoo thiab tej hauj lwm uas nej ua txhua hnub. Thiab kuv cog lus rau nej tias nej yuav txawj muaj kev xyiv fab ntxiv txawm yog muaj kev kub ntxhov hauv nej lub neej.

© 2020 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Akiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, January 2021. Hmong 17463 295