“Denggen, Dumngeg, ken Imdengan,” Para iti Pigsa dagiti Agtutubo, Ene. 2021, 32.
Binulan a Mensahe iti Para iti Pigsa dagiti Agtutubo , Enero 2021
Denggen, Dumngeg, ken Imdengan
Manipud iti mensahe iti Abril 2020 sapasap a komperensia.
Dagiti panangiladawan ni Guev Design
Ti umuna unay a balikas iti Doktrina ken Katulagan ket dumngegkayo (kitaen iti Doktrina ken Katulagan 1:1). Kayatna a sawen ti “mangipangag nga addaan iti panggep nga agtulnog.” Ti dumngeg kayatna a sawen ti “dumngeg Kenkuana”—tapno denggen no ania ti kayat nga ibaga ti Mangisalakan ket kalpasanna imdengan ti balakadna. Iti dayta dua a balikas—“Dumgngeg Kenkuana”—Ited ti Dios kadatayo ti pagtuladan para iti balligi, ragsak ken rag-o iti daytoy a biag. Nasken a dumngeg[tayo] kadagiti balikas ti Apo, dumngeg kadakuada, ken imdengan no ania ti imbagana kadatayo!
Sadino ti mabalin a papanantayo a dumngeg Kenkuana?
Mabalintayo ti agbasa kadagiti nasantuan a kasuratan. Mabalintayo met ti dumngeg Kenkuana iti templo. Dumngegtayo pay a nalawlawag bayat ti panangpasayaattayo ti kabaelantayo a mangbigbig kadagiti arasaas ti Espiritu Santo. Ket, kamaudiananna, dumngegtayo Kenkuana no imdengantayo dagiti balikas dagiti propeta, mammadto, ken mammaltiing.
Anianto ti mapasamak no ad-adda a panggepyo a denggen, dumngeg, ken imdengan no ania ti imbaga ti Mangisalakan ken no ania ti ibagbagana ita babaen kadagiti propetana? Ikarik a mabendisionankayonto iti nayon a bileg a mangsango iti sulisog, panagrigat, ken pagkapsutan. Ikarik dagiti milagro kadagiti pannakilangenyo iti pamiliayo, ken iti inaldaw nga aramidyo. Ken ikarik a manayonanto ti kabaelanyo a mangrikna iti rag-o uray pay no kumarkaro dagiti pannakaburibor iti biagyo.
© 2020 by Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, January 2021. Ilokano. 17463 864