Bosoom Bosoom For the Strength of Youth Amandzɛɛbɔ, Kwakwar 2021

Mibesi dɛn botum ehu dɛ metse Ewuradze ne ndze wɔ m’abrabɔ mu?

aberantsɛba a ɔrekenkan kyerɛwsɛm

President Russell M. Nelson ato nsa afrɛ hɛn dɛ “yɛntaa ndwendwen nkɔ bun mu” mbrɛ yebesi betsie Jesus Christ na “yɛnfa anamɔntu mfa ntsie No yie na yɛntaa nyɛ” (“‘How Do You #HearHim?’ A Special Invitation,” Kwakwar 26, 2020, blog.ChurchofJesusChrist.org).

Yebotum edua kyerɛwsɛm no na nkɔnhyɛfo hɔn nsɛm do etsie No. Mbom nnyɛ yeritsie anaa yɛrekenkan dɛm nsɛm no ara nye adzetsitsir no. Ewuradze duaa Nkɔnhyɛnyi Joseph Smith do kyerɛkyerɛɛ mu dɛ:

“Na ɔyɛ me ndze na ɔk[ã] [nsɛm yinom] kyerɛ hom no; na mo Sunsum na ɔdze ama hom … ;

“Dɛm ntsi, hom botum agye dase dɛ hom atse me ndze, na hom nyim me nsɛm”(Nkyerɛkyerɛ na Ahyɛmudzi 18:35–36).

Dza ɔkã ho no, yɛrohwehwɛ etsie No no nnyɛ dza yɛyɛ no ɔhardo mber kumaa pɛr. President Nelson ase dɛ, “Ɔgye enyidahɔ na mbɔdzembɔ a wɔwɔw do yɛ” (“Hear Him,” Apr. 2020 general conference [Ensign anaa Liahona, Esusow Aketseaba 2020, 89]).

Ber a isũa adze, ibɔ mpaa, isom, na iyɛ setsie ma Ewuradze ne mbrasɛm no, Ɔdze No Sunsum behyira wo, na Oedua Jesus Christ No Werdambɔ no do, asesã wo. Nkyii ibohu dɛ atse Ne ndze.

© 2021 by Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛasee ngye ntomu: 6/19. Monthly For the Strength of Youth Message, February 2021 ne nkyerɛasee.Fante. 17464 502