“Kasano a maammuak a dumdumngegak iti timek ti Apo iti biagko?” Para iti Pigsa dagiti Agtutubo, Peb. 2021, 29.
Binulan a Mensahe iti Para iti Pigsa dagiti Agtutubo , Pebrero 2021
Kasano a maammuak a dumdumngegak iti timek ti Apo iti biagko?
Inawisnatayo ni Presidente Russell M. Nelson nga “agpanunot iti nauneg ken masansan” maipapan iti no kasano a mangngegtayo ni Jesucristo ken “mangala kadagiti addang a dumngeg Kenkuana a nasaysayaat ken masansansan” (“‘How Do You #HearHim?’ A Special Invitation,” Feb. 26, 2020, blog.ChurchofJesusChrist.org).
Mabalintayo ti dumngeg Kenkuana babaen kadagiti nasantuan a kasuratan ken balikas dagiti propeta. Ngem saan laeng a panagdengngeg wenno panagbasa kadagita a balikas nga isu ti kapatgan. Babaen ken ni Propeta Joseph Smith, inlawlawag ti Apo:
“Ti timekko ti mangibagbaga [kadagitoy a balikas] kadakayo; ta naitedda babaen ti Espirituk kadakayo … ;
Gapuna, mabalinyo a paneknekan a nangngegyo ti timekko” (Doktrina ken Katulagan 18:35–36).
Mainayon pay, ti panagkalikagum a dumngeg Kenkuana ket saan a maysa a banag nga aramidentayo iti apagdarikmat. Kinuna ni Presidente Nelson, “Agkasapulan daytoy iti naregget ken agtultuloy a panangkagumaan” (“Dumngeg Kenkuana,” Abr. 2020 sapasap a komperensia [Ensign wenno Liahona, Mayo 2020, 89]).
Bayat ti panagadal, panagkararag, panagdaydayaw, panagserbi, ken panagtungpalyo kadagiti bilin ti Apo, bendisionannakayonto iti Espirituna ken, babaen ti Pannubbot ni Jesucristo, balbaliwannakayonto. Kalpasanna maammuanyo a nangngeganyon ti timekna.
© 2021 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, February 2021. Ilokano. 17464 864